2009 оны 7 сарын 2-ны өдөр М-Си-Эс Кока-Кола ХХК шинэ үйлдвэрийнхээ нээлтийг амжилттай хийж өнгөрүүллээ.
М-Си-Эс Кока-Кола ХХК нь анх 2001 онд үйл ажиллагаа эхэлж байсан үйлдвэр нь ундааг шилэнд олон дахин савлах хүчин чадал бүхий үйлдвэрийг ашиглалтад оруулж Кока-Кола компанийн гэр бүлийн анхны гишүүн болж, 2004 онд энэхүү шугамдаа өргөтгөл хийн хуванцар саванд савлах шугамыг ашиглалтад оруулж байсан юм.
Тэгвэл энэ удаа шинээр хөрөнгө оруулалт хийж барьж байгуулсан үйлдвэр маань ундаа, цэвэр ус, жүүс, цайг нэгэн зэрэг үйлдвэрлэж, савлах хүчин чадалтай 3 шугамтай. Хуучин үйлдвэр маань цагт 18000 шил ундаа үйлдвэрлэх хүчин чадалтай байсан бол шинээр ашиглатад орж байгаа үйлдвэр маань уг үйлдвэрээс 3 дахин их хүчин чадалтай буюу жилд 150,000 тонн ус, ундаа, жүүс, цайг үйлдвэрлэн гаргах чадалтай.
Энэхүү үйлдвэр маань үндсэн 3 шугамтай.
- Хуванцар савлагаатай хийжүүлсэн ундааг үйлдвэрлэн савлах шугам бөгөөд 1 минутад 500мл савлагаатай 400 ш ундааг үйлдвэрлэн гаргах хүчин чадалтай
- Шилэн савлагаатай хийжүүлсэн ундааг үйлдвэрлэн савлах шугам бөгөөд бөгөөд 1 минутад 250мл-ийн 300ш ундааг үйлдвэрлэн гаргах хүчин чадалтай
- Ус, жүүс, цайг үйлдвэрлэн савлах шугам бөгөөд 1 минутад 500мл-ийн 300ш тогтуун ундааг үйлдвэрлэн гаргах хүчин чадалтай
Шинэ үйлдвэр маань “-Баянзүрх дүүрэг”-ийн Амгаланд нээгдсэн.