М-Си-Эс Кока-Кола” ХХК нь нийгмийн хариуцлагын хүрээнд олон үр бүтээлтэй ажил санаачлан хэрэгжүүлдэг билээ.
Өнгөрсөн жилээс Дархан хотын “Нарны хүүхдүүд” асрамжийн төвтэй хамтран ажиллаж байгаа бөгөөд тус төв нь хүүхдүүддээ морин хуур, бүжиг, ятга,уран нугаралт, англи, япон хэл, гар урлал, нарийн боов гэсэн чиглэлүүдээр сургаж, өөрсдийн хөдөлмөрөөр хэрэгцээт бүхий л зүйлээ ханган урсгал зардлаа олохыг зорьдог. 2013 оны 1 дүгээр сарын 19-ний өдөр буюу өнгөрөгч долоо хоногийн Бямба гаригт “М-Си-Эс Кока-Кола” ХХК-ийн санаачлагаар “Нарны хүүхдүүд” асрамжийн төвийн авъяаслаг багачуудын тоглолтыг ҮДБЭЧ-ын тайзнаа зохион байгууллаа.
Эдгээр хүүхдүүдийн хувьд ҮДБЭЧ-ын том тайзан дээр тоглолтоо хийх нь ховор аз завшаан байсан бөгөөд ирээдүйдээ итгэл дүүрэн алхах алхамуудын нэг нь болсон. Мөн тоглолтоос олсон орлогыг “Нарны хүүхдүүд” асрамжийн төвийн авьяаслаг хүүхдүүдийн сурах, цаашид хөгжих үйлсэд хандивласан юм.