Бид усыг аль болох үр ашигтай зарцуулахыг эрмэлзэж ажилладаг.
Манай бүтээгдэхүүнүүдийн 85-99 хувийг ус эзэлдэг. Иймд бизнесийнхээ үндэс болсон усыг хамгаалах хөтөлбөрүүдийг шат дараатай хэрэгжүүлэх нь Кока-Кола компанийн чухал зорилтуудын нэг байсаар ирсэн. Кока-Колагийн системд хэрэгжиж байгаа экологийн бодлогын үндсэн шаардлага, компанийн үнэт зүйлсийн нэг болох байгаль орчинд ээлтэй үйлдвэрлэл явуулах зорилтууд ийнхүү уялдаж хэрэгждэг юм.
Кока-Кола компанийн шаардлагаар бид байгалиас ямар хэмжээний цэвэршилттэй ус хэрэглэнэ тэр хэмжээний цэвэршилттэй усыг байгальд буцааж нийлүүлэх ёстой. БИД ХЭРЭГЛЭСЭН БОХИР УСАА ШУУД байгальд хаях эрхгүй гэж үздэг. Иймээс Монголд анх удаа хувийн хэвшлийн байгууллагуудаас өөрөө өөрийнхөө хэрэглэсэн бохир усыг цэвэршүүлдэг ХУЦБ-ыг ашиглалтанд оруулсан. Дэлхийн Кока-Кола компанийн зорилго бол 1л ундаа үйлдвэрлэхэд 1,7 л ус зарцуулах бөгөөд бид энэхүү зорилгодоо хүрч ажиллаж байна.