Categories
Зохиогч: Tuvshinbileg
Categories
2003
Categories
2002
Categories
2001
“М-Си-Эс Кока-Кола” компани хог хаягдалдаа хариуцлагатай хандаж, 2030 он гэхэд борлуулсан ундаа бүрийн тоотой тэнцүү хэмжээний хуванцрыг дахин боловсруулах томоохон зорилго тавиад буй билээ. Энэ хүрээнд М-Си-Эс Кока-Кола ХХК, Ти Эм Эл ХХК, Монголын сууц өмчлөгчдийн холбоодын дээд зөвлөл хоорондын гурван талт хамтын ажиллагааны санамж бичиг байгууллаа.
Учир нь орон сууцны хотхон, хороололд хогийг ангилан ялгаж, дахин боловсруулах үйлдвэрүүдэд хүлээлгэн өгөх боломж бүрэн бий юм. Одоогийн байдлаар улсын хэмжээнд 1600 гаруй СӨХ бүртгэлтэй байдгийн 30 хувь нь л хогоо ангилан ялгадаг аж. Тиймээс МСӨХДЗ-өөс өөрийн харьяалалтай сууц өмчлөгчдийн холбоодыг идэвхжүүлэхэд дэмжлэг үзүүлэх юм.
Гурван талт хамтын ажиллагааны гол зорилго нь хогоо ангилан ялгадаг сууц өмчлөгчдийн холбоодын тоог нэмэгдүүлж, оршин суугчдыг хогоо ангилан ялгах боломжоор хангах юм. Тиймээс хамтын ажиллагааны хүрээнд
- хуванцар ангилан ялгаж, цуглуулсан сууц өмчлөгчдийн холбоодоос Ти Эм Эл компанийн тээврийн хэрэгслээр хуванцар тогтмол цуглуулж авах
- сууц өмчлөгчдийн холбоодын төлөөллийг “Ти Эм Эл” хуванцар дахин боловсруулах үйлдвэртэй танилцуулах
- хог ангилан ялгах аргачлал хүргэх
- энэ оны 5 дугаар сард #ДАЯС арга хэмжээнд идэвхтэй оролцсон сууц өмчлөгчдийн холбоодод хог ангилан ялгах цэг байгуулж өгөх зэрэг ажлыг хамтран хэрэгжүүлэхээр болсон байна.
Монгол Улсын Ерөнхийлөгчийн санаачилгаар зохион байгуулж буй “Цэнхэр Алт” усны салбарын үндэсний чуулганд “М-Си-Эс Кока-Кола” компани оролцож, олон нийтэд Усны үр ашиггүй хэрэглээг бууруулах хөтөлбөрийн талаар мэдээлэл өглөө.
Бид тус хөтөлбөрийг хэрэгжүүлснээр усны зарцуулалтыг 29 хувиар бууруулаад байна.
Нэг литр бүтээгдэхүүн үйлдвэрлэхэд хоёр литр ус зарцуулж буй нь:
- Монгол улсын нэгж бүтээгдэхүүн үйлдвэрлэхэд зарцуулах усны нормоос зургаа дахин бага үзүүлэлт төдийгүй
- Үйл ажиллагаа явуулж буй бүсийн хэмжээнд (Хонконг, Макао, Тайвань, Монгол улс) усны үр ашигтай зарцуулалтаар тэргүүлж байна.
Бид усны зарцуулалтыг цаашид ч бууруулах бөгөөд 2025 онд 1.7 литр болгохоор зорин ажиллаж байна. Үүнээс гадна 2010 оноос хойш үйлдвэрийн процессод ашигласан бүхий л усаа цэвэршүүлж буй юм. Хоногт 2000 тн хаягдал усыг цэвэршүүлэх хүчин чадалтай уг үйлдвэрийн усанд загас хүртэл амьдрах боломжтой ба цэвэршүүлсэн усаа Нийслэлийн хот тохижилтын газар, Эвт чулуу ХХК, Бат-Өндөр Хайрхан ХХК зэрэг байгууллагууд зам талбайн цэвэрлэгээ, ногоон байгууламжийн цэвэрлэгээнд үнэ төлбөргүй нийлүүлж байна.
Тогтвортой хөгжлийн зорилтын хүрээнд 2030 он гэхэд “М-Си-Эс Кока-Кола” компани ус дахин ашиглалтын хэмжээг 100 хувьд хүргэхээр зорьж байна.
Өчигдөр Багшийн дээдийн нүхэн гарцыг өчигдөр “Дэвшилтэт Социал Демократ Клуб” ТББ-ын 30 гаруй залуус сайн дураар цэвэрлэсэн. Энэ нь тэдний ирэх сард орон сууцны хороолол дундах нийтийн эзэмшлийн талбайг цэвэрлэх “CLEAN UP- BUBBLE FESTIVAL” ажлын урьтал арга хэмжээ байжээ.
Жил бүр тогтмол зохион байгуулдаг Clean-Up төсөлд талархал илэрхийлэхийн сацуу залууст дэмжлэг үзүүлэх зорилготойгоор өндөр даралтат угаагч машин, гарын бээлий болон бүтээгдэхүүний дээжээс өргөн барилаа. Мөн тэдний ирэх сард зохион байгуулах үйл ажиллагааг дэмжиж ажиллахаа илэрхийлсэн юм.
“М-Си-Эс Кока-Кола” компани БШУЯ-ны санаачилгыг дэмжиж, 75 хүүхдийн хүчин чадалтай байгууллагын дэргэдэх цэцэрлэг байгууллаа. Манай нийт ажилтны 43 хувь нь 2-5 насны хүүхэдтэй тул цэцэрлэг байгуулах замаар сургуулийн өмнөх боловсролын хамран сургалтыг нэмэгдүүлэхэд ийнхүү хувь нэмрээ оруулж байна.
Төр, хувийн хэвшлийн түншлэлийн хүрээнд “М-Си-Эс Кока-Кола” компанийн дэргэдэх “Happy Kids” цэцэрлэгийн сургалт, хөгжлийн үйл ажиллагааг БЗД-ийн 62-р цэцэрлэг хариуцах бөгөөд ажлын онцлогийг харгалзан уртасгасан цагаар буюу 8-20 цаг хүртэл ажиллах таатай нөхцөл бүрдүүллээ. Мөн хүүхдүүдэд зориулан монгол бүжиг, баллет зэрэг гоо зүйн хичээлээс гадна оюуны хөгжлийг дэмжих сургалтын нэмэлт хөтөлбөр тусгаад байна.
“М-Си-Эс Кока-Кола” компани өөрийн хөрөнгө оруулалтаар байгууллагын дэргэдэх цэцэрлэг байгуулснаар ажилтнуудын нийгмийн асуудлыг шийдвэрлэх, ажилдаа үр бүтээмжтэй, тогтвор суурьшилтай ажиллах орчныг бүрдүүлж буй юм.
Түүнчлэн нийгмийн хариуцлагын хүрээнд үйл ажиллагаа явуулж буй нутаг дэвсгэр болох БЗД-ийн 10-р хорооны цэцэрлэгийн насны тодорхой тооны хүүхдийг байгууллагын дэргэдэх цэцэрлэгтээ хамруулах юм.
МҮХАҮТ-аас Монгол Улсын нийгэм, эдийн засгийн хөгжилд бодит хувь нэмрээ оруулж буй оны онцлох аж ахуйн нэгжийг шалгаруулдаг “ENTREPRENEUR-2022” арга хэмжээнээс М-Си-Эс Кока-Кола компани дараах гурван төрлийн шагнал хүртлээ.
Оны шилдэг 10 ААН-ийн нэг
Компанийн нийгмийн хариуцлагыг хэрэгжүүлэгч Энтрепренер
Тогтвортой үйлдвэрлэлийн менежмент нэвтрүүлэгч Энтрепренер
Өнгөрч буй 2022 онд М-Си-Эс Кока-Кола компани 60 орчим төрлийн үйл ажиллагаанд ивээн тэтгэх, хамтран зохион байгуулах хэлбэрээр оролцсон байна.
Тухайлбал, спортын төрөлд “Улаанбаатар Марафон 2022” олон улсын гүйлтийн арга хэмжээ, “Sprite 3×3” тэмцээн, “Jig Jug” цахим спортын наадам, “FIBA Asia Cup – 2025” Ази тивийн АШТ-ий урьдчилсан шатны тоглолт зэрэг тэмцээн, уралдааныг амжилттай зохион байгуулагдахад дэмжлэг үзүүлсэн юм.
Энэ жилээс эхлүүлсэн “Хог хаягдалгүй дэлхий” санаачилгын хүрээнд олон нийтийг хогоо ангилан хаяж, эх дэлхийгээ хайрлах үйлсэд уриалж буй билээ. Энэ хүрээнд “Playtime” амьд хөгжмийн наадмын 20 дахь жилд стратегийн түншээр хамтран ажиллаж, “Хуванцрын Хаягдалгүй Наадъя” уриалга дэвшүүлж Үндэсний их баяр наадмаар энэхүү нөлөөллийн ажлыг үргэлжлүүлсэн байна.
ТОГТВОРТОЙ ХӨГЖЛИЙН БОДЛОГЫГ БИЗНЕСИЙН БОДЛОГОТОЙ УЯЛДУУЛЖ САХАРЫН ХЭМЖЭЭГ ҮЕ ШАТТАЙГААР БУУРУУЛЖ БАЙНА
Хэрэглэгчдэд санал болгож буй илчлэг багатай ундааны сонголтыг нэмэгдүүлэхээр сахар бууруулах төслийг үе шаттай хэрэгжүүлж байна. 2022 онд “Fanta Peach” буюу тоорын амттай ундааны гурван төрлийн савлагааны элсэн чихрийн агууламжийг бууруулсан. Ингэснээр нийт үйлдвэрлэн борлуулж буй бүтээгдэхүүний 51.6% нь илчлэггүй буюу бага илчлэгтэй болсон.
Байгаль орчин, нийгэм, засаглалын чиглэлд авч хэрэгжүүлж буй ажлуудтай холбоотой тоо баримт:
- Байгальд ээлтэй, утаагүй уурын зуухны тусламжтайгаар 4800 орчим кг хүлэмжийн хий ялгаруулахаас сэргийлсэн
- Усны үр ашиггүй хэрэглээг бууруулах хөтөлбөрийн дүнд сүүлийн 10 жилд усны хэрэглээг 30 хувиар бууруулсан
- Үйл ажиллагаанаас гарсан нийт хог хаягдлын 50 гаруй хувийг дахин боловсруулах үйлдвэрүүдэд хүлээлгэн өгсөн
- Үйлдвэрийн процессод ашигласан усыг цэвэршүүлэн, 11 мянган тн усыг зам талбайн цэвэрлэгээ, ногоон байгууламжийн тохижилтод зориулж, нэр бүхий таван байгууллагад үнэ төлбөргүй хэрэглүүлж байна.
Үйлдвэрийн цэвэршүүлсэн усаар “Тэрбум мод” усалж байна.
“М-Си-Эс Кока-Кола” компаниас зарласан “iCoke believe in Magic&Win” хөтөлбөрийн хүрээнд Катар улсаар аялж, Хөлбөмбөгийн ДАШТ-ийн шөвгийн 16-н багийн тоглолтыг дэргэдээс нь үзэх эрхтэй гурван азтан тодорч, “Эрхийн Бичиг”-ээ гардан авлаа.
Азтан Х.Цэрэнболд:
Миний охин азтан болно гэдэгтээ маш итгэлтэй байсан. Азтан болоход хүүхдийн минь аз ивээсэн байх…
-Намайг Хүрэлбаатарын Цэрэнболд гэдэг. Би Дархан-Уул аймагт амьдардаг. 2017 онд iCoke урамшууллын хөтөлбөрт нэгдэж, уусан ундаа болгоныхоо бөглөөний кодыг “iCoke аппликейшн”-д бүртгүүлдэг байсан.
Ер нь бол би ихэвчлэн ундаа хождог байсан л даа. (инээв) Харин 2020 онд Скүүтэр хожсон. Энэ удаа Катарт болох Хөлбөмбөгийн Дэлхийн аварга шалгаруулах тэмцээнийг дэргэдээс нь үзэх ийм том хөтөлбөрийн азтан боллоо. Азтан болсондоо туйлын их баяртай байна.
Миний охин Катар явна гэдэгтээ маш итгэлтэй байсан. Өвөө эмээгийндээ очоод “Ундааныхаа бөглөөг наашаа өгөөрэй, Аав бид хоёр Катар явах гэж байгаа” гээд л. Азтан болоход хүүхдийн минь аз ивээсэн байх аа гэж бодож байна. Би одоо ч гэсэн азтан болсондоо итгэж өгөхгүй байна.
“М-Си-Эс Кока-Кола” компанийн хамт олондоо баярлалаа. Та бүхэн цаашид олон сайхан урамшуулалт хөтөлбөр зарлаж, олон азтан шалгаруулж байхыг хүсч байна.
Азтан Мөнхсэлэнгэ: Ялагч дээр нь миний дугаар байхаар нь гайхаад “Арай үгүй байлгүйдээ. Ийм адилхан дугаартай хүн байдаг юм байхдаа” гэж бодсон…
-Намайг Мөнхсэлэнгэ гэдэг. Би Португал улсад докторын эрдэм шинжилгээний ажил хийж байгаад амралтаараа ирсэн байгаа. Би “М-Си-Эс Кока-Кола” компанийн энгийн болон хийжүүлсэн Bonaqua ус, Fuze tea гэх зэрэг бүтээгдэхүүнийг ихэвчлэн хэрэглэдэг. Анх бүтээгдэхүүний бөглөөн доторх кодоор оноо цуглуулаад, бэлэг хожих боломжтой “iCoke” хөтөлбөр зарлагдсаныг мэдээд, аппликейшнээ татаж байсан. Тэгээд “Юу ч гэсэн хийгээд үзье” гээд оноогоо цуглуулж эхэлсэн. Харин ингэж хийсний үр дүнд азтан болчихсон зогсож байна.
Би азтан болсондоо маш их баяртай байгаа. Ер нь бол эхэндээ итгээгүй л дээ. Ялагч дээр нь миний дугаар байхаар нь их гайхсан. Тэгээд “Арай үгүй байлгүйдээ, ийм адилхан дугаартай хүн байдаг юм байхдаа” гэж бодоод CENTRAL TV-ээр явуулсан шууд нэвтрүүлгийг ухрааж үзэхэд, бүр миний сугалааны дугаарыг овог нэртэй минь зарласан. Тэгээд би маш их баярлаад, үнэн байдаг юм байна гэж бодсон. (инээв)
“М-Си-Эс Кока-Кола” компанийн хамт олондоо ажлын өндөр амжилт хүсэж байна.
Хөтөлбөрийн ялагч Туяа: Залуу хүн газар үзээд ирээсэй гээд хүүдээ эрхээ шилжүүллээ.
-Сайн байна уу Намайг Туяа гэдэг, Би Налайх дүүргээс оролцсон, iCoke аппликейшнийг 2018 оноос хойш ашиглаж байна. Шууд нэвтрүүлгээ үзэж чадаагүй учраас ялагч болсноо залгаж хэлэх хүртэл нь мэдээгүй байсан, залгахаар нь л мэдсэн дээ. Ялагч болоод маш сайхан байсан. Ер нь М-Си-Эс-Кока Кола компанийн жижиг Кола, Фанта, аан бас Жүржийн талст ундааг ихэвчлэн уудаг байсан тэгээд iCoke цуглуулсан онооноосоо 200 ширхэг сугалаа авч оролцсондоо. Ялагч болсондоо маш их баяртай байгаа ч хүүгээ энэхүү аялалд оролцоод залуу хүн газар үзээд ирэг гэсэндээ хүүдээ эрхээ шилжүүллээ. Бас танай хамт олонд ийм гоё том хөтөлбөр зохион явуулсанд баяр хүргэе, маш их баярлалаа л гэж хэлмээр байна.
Хүү Хосбаяр:
Гэнэт ингээд явах болсондоо ердөөсөө итгэж өгөхгүй байна. Өөрийнхөө утсан дээр iCoke аппликейшнээ татаагүй ч гэсэн ундаа уух болгондоо ээжид бөглөөг нь өгдөг байсан. Юу ч гэсэн маш итгэмээргүй санагдаж байна. Хөл бөмбөгийн тухайд Португал улсын багийг дэмждэг, очоод Португалын тоглолтыг л үзнэ гэж бодож байна. /Инээв/ Хүү Хосбаяр:
