Компани
Өнгөрсөн Баасан гарагт “Entrepreneur-2016” арга хэмжээний үеэр “Оны онцлох аж ахуй нэгж” -ээр шалгарсан байгууллагууд МҮХАҮТ-ын гадна тугаа ёслол төгөлдөр мандууллаа.
Манай компани энэхүү шалгаруулалтаас Цэвэр үйлдвэрлэлийн менежмент нэвтрүүлэгч “Greenpreneur” шагналыг мөн гардан авсан билээ.
Монголын Үндэсний Худалдаа Аж Үйлдвэрийн Танхимаас 20 дахь жилдээ зохион байгуулж буй Монгол Улсын нийгэм, эдийн засгийн хөгжилд бодитой хувь нэмэр оруулж байгаа шилдэг аж ахуй нэгж, байгууллага, бизнес эрхлэгчдийг шалгаруулан өргөмжилдөг “ENTREPRENEUR-2016” арга хэмжээ 12-р сарын 22-ны өдөр болж манай компани “ОНЫ ОНЦЛОХ АЖ АХУЙ НЭГЖ”, ЦЭВЭР ҮЙЛДВЭРЛЭЛИЙН МЕНЕЖМЕНТ НЭВТРҮҮЛЭГЧ “GREENPRENEUR-2016” шагналуудыг гардан авлаа.
Их хотын хүүхэд залуусын чөлөөт цагаа өнгөрөөх дуртай газруудын нэг бол “М-Си-Эс Кока-Кола” компанийн “HAPPINESS CENTER” төв билээ.
Aз жаргалыг түгээгч “HAPPINESS CENTER” төв маань эрхэм хэрэглэгчдийнхээ өмнө 2012 оноос эхлэн үүд хаалгаа нээн ажиллаж байгаа бөгөөд оюутан залуустаа илүү ойртож МУБИС-ийн зүүн урд талд байрлах шинэхэн байрандаа нүүн орж албан ёсоор үйл ажиллагаагаа явуулж эхэллээ. Тус төв нь М-Си-Эс Кока-Кола компанийн шинээр хэрэгжүүлж буй хөтөлбөрт хамрагдах, хэрэглэгчдийн ая тухтай байдлыг анхааран, хамрагдсан хөтөлбөрийнхөө шагнал урамшууллаа хүлээн авахад ойр дөт болгох, Кока-Кола Компани болон түүний брэндийн талаар хамгийн сүүлийн үеийн мэдээллийг хамгийн түргэн хугацаанд хүргэх зорилготой төдийгүй хүүхэд, оюутан залууст зориулсан, чөлөөт цагаа зөв боловсон өнгөрүүлэх таатай орчин юм.
“HAPPINESS CENTER” төв хүүхэд, залуус та бүхэндээ зориулж үнэ төлбөргүй “Wi-Fi” орчин, “Х-BOX” тоглоом, лекц семинар зохион байгуулах танхим, найз нөхөдтэйгөө ярилцаж суух таатай орчин, зураг авахуулах зэрэг олон сонирхолтой булан хүлээж байгаа бөгөөд хүссэн номоо унших, хичээлээ давтах боломжтой номын булан, өөрийн авьяас чадвараа хөгжүүлж бэлтгэл сургуулилтаа хийх, бүр тоглолт ч хийх боломжтой тайз, тоног төхөөрөмж бэлтгэлээ. Хүчин чадлын хувьд нэг удаадаа нийт 80 хүний үйл ажиллагаа зохион байгуулах боломжтой учир найзуудтайгаа, анги хамт олонтойгоо ирж чөлөөт цагаа таатай өнгөрүүлэх тав тухтай орчныг бүрэн бүрдүүлсэн гэж итгэж байна.
ТА БҮХНИЙГ АЗ ЖАРГАЛЫН ТӨВДӨӨ ХҮРЭЛЦЭН ИРЭХИЙГ УРЬЖ БАЙНА.
Монгол Улсын Засгийн газар, Монголын үндэсний худалдаа аж үйлдвэрийн танхим /МҮХАҮТ/ хамтран жил бүр зохион байгуулдаг ТОП-100 аж ахуйн нэгжийн цом гардуулах ёслол өчигдөр Төрийн ордны ёслол хүндэтгэлийн “Өргөө” цогцолборт болж, шилдгүүдээ өргөмжиллөө.
Улсынхаа нийгэм, эдийн засгийн хөгжилд бизнесийн байгууллагуудын оруулсан бодит хувь нэмрийг үнэлж, дүгнэдэг энэхүү шалгаруулалтад М-Си-Эс Кока-Кола ХХК 20 дугаар байранд шалгарлаа.
М-Си-Эс Кока-Кола ХХК нь нийгмийн хариуцлагын хүрээнд олон ажлуудыг санаачлан хийдэг билээ. Байгаль орчны бохирдлыг бууруулахын тулд байгальд хоргүй, хөрсөнд амархан уусч шингэдэг “Biodegradable” хогны уутыг Монгол Улсад анх удаа хэрэглээнд нэвтрүүлсэн. Энэхүү уутыг 2009 оноос эхлэн жил бүр байгалийн үзэсгэлэнт газрууд болох Богдхан Уул, Хан-Хэнтий, Хөвсгөлийн улсын тусгай хамгаалалттай газруудад аялж буй гадаад, дотоодын жуулчдад үнэ төлбөргүй түгээж байна.
Хан-Хэнтийн улсын тусгай хамгаалалттай газарт байгальд ээлтэй био уутыг хандивласнаар байгаль орчныг хамгаалах, хог хаягдлын менежментийг сайжруулах үйлсэд үнэтэй хувь нэмэр оруулж байгаа юм.
Дэлхийн бүх хүмүүсийг нэг цагийн турш гэрэл болон цахилгаан хэрэгслээ унтраан эрчим хүчний үйлдвэрлэлээс гарах хүлэмжийн хийг бууруулах, дэлхийн дулаарал, уур амьсгалын өөрчлөлттэй тэмцэхэд хүн бүрийн оролцоо чухал билээ.
Та бүхнийг гэр бүл, найз нөхөд, хамт олноороо нэгдэн Уур амьсгалын өөрчлөлтийн эсрэг хамтдаа зогсохыг уриалж байна.
М-Си-Эс Кока-Колачууд “Цус сэлбэлт судлалын үндэсний төв”-тэй хамтран донорын эгнээг өргөжүүлэх, аюулгүй найдвартай цусны хэрэгцээг хангах, хэн нэгний алтан амийг аврахад зориулан “Цусаа бэлэглэцгээе” арга хэмжээг зохион байгууллаа.
Энэхүү арга хэмжээгээр 22 литр цусны нөөц бүрдүүлэн, 165 хүний алтан амь аврах боломжтой болсон.
Цус сэлбэлт судлалын үндэсний төвд нэн шаардлагатай цусны эргэлт сайжруулах бөмбөлгийн нэг жилийн хэрэгцээг хандивлалаа.
Нийслэлийн Баянзүрх дүүргийн 50 жилийн ойг тохиолдуулан тус дүүргийн шилдэг татвар төлөгч 30 байгууллагыг алдаршуулан албан ёсны тугийг мандуулах ёслолын үйл ажиллагаа 11 дүгээр сарын 26-ны өдөр болж өнгөрлөө. Баянзүрх дүүрэгт нийт 15 мянга гаруй аж ахуй нэгж байгууллага үйл ажиллагаа явуулдаг ба тэдгээрээс татвараа хугацаандаа төлдөг, салбарынхаа манлайлагч, нийслэл, дүүргийнхээ хөгжил дэвшилд үнэтэй хувь нэмэр оруулсан, шинэ техник технологи нэвтрүүлсэн, үйлдвэрлэж буй бүтээгдэхүүн нь олон улсын жишигт нийцсэн гэх мэт олон шалгууруудийг тавьсний эцэст шилдэг 30 аж ахуй нэгжийг шалгаруулан тугийг нь офицеруудийн тойрогт байршуулан алдаршуулав.
Бид салбартаа төдийгүй Монгол Улсад АНХ УДАА “иж бүрэн” Олон Улсын Удирдлагын Тогтолцоог хэрэгжүүлсэн үзүүлэлтээр “ҮНДЭСНИЙ ЧАНАРЫН ШАГНАЛ”-ыг гардан авлаа.
Стандартчилал Хэмжил Зүйн Газар (СХЗГ) болон Монголын Үндэсний Худалдаа Аж Үйлдвэрийн Танхим (МҮХАҮТ)-аас “Дэлхийн чанарын өдөр”-ийг тэмдэглэн өнгөрүүлэх ажлын хүрээнд Монгол Улсад анх удаа “ҮНДЭСНИЙ ЧАНАРЫН ШАГНАЛ”-ыг энэ оноос эхлэн олгохоор болсон юм.
“ҮНДЭСНИЙ ЧАНАРЫН ЧУУЛГАН”-ы үеэр манай компанийн Гүйцэтгэх захирал Л.Мягмаржав хэлэхдээ манай байгууллагын хувьд чанар гэдэг нь зөвхөн амталж, харж, хэмжиж байдаг төдий зүйл биш, харин бидний бүхий л үйл ажиллагаанд мөрдөгдөж байх ёстой зүйл юм. Бидний үйлдвэрлэж, өдөр бүр монголын хэрэглэгчиддээ хүргэдэг бүтээгдэхүүн маань хүнсний аюулгүй байдлыг 100% хангасан дээд зэргийн чанартай байх ёстой гэсэн зарчмыг баримталж, ажил хэрэг болгосоор ирсэн манай хамт олны хүчин чармайлт нь өнөөдрийн энэхүү амжилтад хүрэх гол түлхүүр нь байсан юм хэмээн онцоллоо.
Бид Монгол Улсад АНХ УДАА Хөдөлмөрийн аюулгүй байдал, эрүүл ахуйн удирдлагын тогтолцоо OHSAS 18001:2007 болон Хүнсний Аюулгүй Байдлын Удирдлагын Тогтолцоо FSSC 22001:2013-г бүхий л үйл ажиллагаандаа нэвтрүүлж, олон улсад баталгаажуулж чадсан цорын ганц аж ахуйн нэгж юм байна.
Үүнээс гадна
– Чанарын удирдлагын тогтолцоо ISO 9001:2008,
– Байгаль Орчны Удирдлагын Тогтолцоо ISO 14001:2004
– Хүнсний аюулгүй байдлын тогтолцоо ISO 22000:2005 -г түүхий эд хүлээн авахаас эхлээд хэрэглэгчийн гар дээр бэлэн бүтээгдэхүүн очих хүртэл бүхий л үе шатуудад нэвтрүүлэн ажиллаж, жил бүр хөндлөнгийн олон улсын Аудитын Байгууллагаар баталгаажуулж байна.
“Гранд” сэтгүүлийн 5 жилийн ой, уламжлалт “Grand Awards” ёслол хүндэтгэлийн ажиллагаа 10-р сарын 7-ны өдөр УДБЭТ-т ёслол төгөлдөр болж өнгөрлөө. Нийгмийн хариуцлагыг дэмжиж, хүнлэг энэрэнгүй үйлсийг түгээн дэлгэрүүлье уриатай энэхүү ёслол хүндэтгэлийн ажиллагаа бусад шагнал гардуулах ёслолын ажиллагаануудаас хүний хүн чанартай холбоотой хариуцлага, хүнлэг үйлсийг дэмжиж, урамшуулдагаараа ялгардаг билээ. ТУс хүндэтгэлийн арга хэмжээгээр дан ганц хүмүүсийг шагнахаас гадна цор ганц бизнесийн шилдэг байгууллагыг шалгаруулдаг билээ. М-Си-ЭС Кока-Кола ХХК, Хаан банк, Монос групп зэрэг байгууллагууд нэр дэвшин олон нийтийн санал хураалтаар М-Си-ЭС Кока-Кола ХХК Нийгмийн хариуцлагатай байгууллагаар шалгарч Гранд цомын эзэн боллоо. М-Си-Эс Кока-Кола ХХК нь нийгмийн хариуцлагын хүрээнд дараах ажлуудийг тогтмол эрхлэн явуулж байна.
- HAPPINESS CENTER- Хүүхэд залуусын чөлөөт цагыг зөв боловсон өнгөрүүлэх, тэднийг хөгжүүлэх зорилготойгоор 2012 онд үүд хаалгаа нээж байсан ба өдийг нийт 60,000 гаруй хүүхэд залууст хүрч үйлчилсэн байна.
- Нийгмийн эрүүл мэндийн хөгжилд хувь нэмрээ оруулахаар 2007 оноос эхлэн ТЛЖ 13 ТББ-тай хамтран сагсан бөмбөгийн “Спрайт хөгжлийн лиг”, “Спрайт супер лиг”, “3-ын эсрэг 3” тэмцээнүүдийг тогтмол зохион байгуулж эхэлснээр жилд дунджаар 10,000-13,000 мянган хүүхэд залууст сагсан бөмбөгийн спортийг таниулж байна.
- Монголын хөлбөмбөгийн холбоотой хамтран “Хүүхэд – хөлбөмбөг – ирээдүй” хөтөлбөрийн албан ёсны түншээр ажиллаж, дэлхийн спортын оргил олимпын наадамд. Монгол Улсаа төлөөлөн оролцох баг тамирчдаа дэмжин ажиллаж байна
- БЗД-ийн 728 ахмадад зориулан Цагаан сарын хүндэтгэлийн бэлэг бэлтгэн БЗД-ийн засаг даргын тамгын газар хүргүүлэв.
- “ГанжуурДанжуур төсөл” ивээн тэтгэгч байгууллагаар хамтран ажиллав
- Халдварт өвчин судлалын үндэсний төвд 3,000,000 төгрөгийн үнэ бүхий бүтээгдэхүүн болон 1,000,000 төгрөгийн үнэ бүхий10 ширхэг пульсоксометр төхөөрөмжийг худалдан авч ХӨСҮТ-ийн захирал болон халдварт өвчин судалын тасагт хүлээлгэн өгсөн юм.