Ангилал: Мэдээ мэдээлэл

Мэдээ мэдээлэл

Categories
Хөтөлбөр Мэдээ мэдээлэл

SPRITE ALL-STAR АМЖИЛТТАЙ БОЛЖ ӨНДӨРЛӨЛӨӨ

Оюутан, залуучуудын дунд зохион байгуулагддаг сагсан бөмбөгийн “Спрайт Супер Лиг”-ийн  “Бүх оддын тоглолт” 3-р сарын 31-нд Буянт-Ухаа дахь спортын шинэ ордонд боллоо.

“Бүх Оддын Тоглолт”-д “Зүүн бүс”-ийнхэн “Баруун бүс”-ийнхнийг  54:53 харьцаагаар буулган авлаа.

 

“М-Си-Эс Кока-Кола” компани болон “TLG-13” ТББ-с зохион байгуулдаг сагсан бөмбөгийн “Спрайт Супер Лиг”-н тэмцээнд энэ жил нийт 20 багийн 300 орчим тамирчид өрсөлдөж байгаа. Эрүүл идэвхитэй амьдралын хэв маягийг хүүхэд залуучуудад хэвшүүлэх зорилготой тус тэмцээний “Бүх Оддын Тоглолт” энэ жил 6 дахь удаагаа зохиогдлоо. Буянт Ухаа дахь спортын шинэ ордонд болсон тус “Бүх Оддын Тоглолт” сагсан бөмбөгийн олон сонирхолтой тэмцээн, үзүүлбэрээр дүүрэн болж, талбайд цугласан 5000 орчим үзэгч шоу тоглолтын сайхныг мэдэрсэн.

 

Лигийн шилдэг мэргэн буучдын дунд болдог 3 онооны шидэлтийн тэмцээнд 7 тамирчин оролцсон. Тэднээс ИНЕГ багийн Удаанжаргал 10 оноо, Монголианс багийн Н.Борхүү, Монторх багийн Н.Лигдэн, Soldiers багийн А.Алтангэрэл нар 9 оноо авч эцсийн шатанд үлдсэн. Ингээд эцсийн шатанд Монголианс багийн Н.Борхүү 11оноо авсанаар 3 онооны шидэлтийн тэмцээний аварга болж, 500,000 төгрөг, үнэ бүхий зүйлсээр шагнуулсан. Таван цэгээс шидэж өрсөлддөг Багийн шидэлтийн тэмцээнд Отгонтэнгэр, Панасоник, Эрдэнэдрийлинг болон Мега Старс гэсэн багууд оролцсон. Тэднээс Панасоник баг 34 секунд, Мега Старс 31 секундын амжилт үзүүлсэнээр, эцсийн шатанд шалгарсан. Эцсийн шатанд Панасоник баг 55 секундэд даалгавраа биелүүлсэн.

 

Харин  Мега Старс баг 48 секундын амжилт үзүүлснээр Багийн шидэлтийн тэмцээний аваргаар тодорсон. Харин цагариган дээрээс довтлох тэмцээнд Үндэсний Супер Лигийн легионер 5 тамирчин оролцож, үзүүлбэр үзүүлсэн нь тун сонирхолтой болсон. Эхний шатанд тамирчин тус бүр 2 үзүүлбэр үзүүлсэн. Тэднээс Devon Clark 90 оноо, Decorey Jones 90 оноо авсанаар эхний шатнаас хасагдсан. Харин  Marcus Hammonds 91 оноо, Freddie Woods 92 оноо, Kendrick Black 97 оноо авсанаар эцсийн шатанд шалгаран үлдсэн. Эцсийн шатанд тамирчид ганц л үзүүлбэр үзүүлсэн. Энэ шатанд Freddie Woods 40 оноо, Marcus Hammonds 48 оноо, Kendrick Black 48 оноо авсан. Ингэснээр 2 тамирчины оноо тэнцэж, дахиад 1 үзүүлбэр үзүүлсэн. Ингээд Marcus Hammonds 48 оноо, харин Kendrick Black 2 хүүхдийн дээгүүр давж үсрэн, бүтэн 50 оноогоо авсанаар Цагариган дээрээс довтлох тэмцээний аварга болсон.

 

Энэ удаагийн “Бүх Оддын Тоглолт”-нд  Баруун, Зүүн бүсийн шилдэг 24 тамирчид  шалгаран өрсөлдсөн. Тун ширүүн өрсөлдсөн “Бүх Одод”-н тоглолтонд П.Эрдэнэчулуун, Ж.Отгондарь дасгалжуулагчтай Зүүн Бүсийн баг 54-53-н харьцаатай , ердөө 1 онооны зөрүүгээр хожлоо. Ингэснээр тэд 1 сая төгрөг хожсон бөгөөд энэ шагналыг хүүхдийн халамжын төвд сагсны талбай барихад хандивлаж байгаа юм.

 

Харин “Бүх Одод”-н үнэ цэнэтэй тоглогчоор Панасоник багийн А.Тэмүүжин тодорч, 1 сая төгрөгний шагнал хүртсэн.

 

Тус “Бүх оддын тоглолт”-ыг  Э.Цолмонбаяр, А.Өнөржаргал нар хөтөлж, мөн рэппэр Rokit Bay, амьд хөгжмийн UFO, Green mask  хамтлагууд ирж ая дуугаа өргөсөн. Мөн монголдоо шинэ үзүүлбэр болох Acro Dunk үзүүлбэрийн Power Light баг ирж, гайхалтай тохолтуудаар үзэгчдэд бэлэг барьсан.

Categories
Хөтөлбөр Мэдээ мэдээлэл

МХХ-НЫ ШИГШЭЭ ТАМИРЧИД М-СИ-ЭС КОКА-КОЛА КОМПАНИАР ЗОЧЛОВ

Азийн Хөлбөмбөгийн Холбооноос зохион байгуулагдаж буй  14-c доош насныхны Азийн Аварга шалгаруулах тэмцээнд оролцохоор Монголын Хөлбөмбөгийн Холбооноос 14-с доош насны Монгол Улсын шигшээ багийг бүрдүүлэн бэлтгэлдээ гараад байна.

Монголын Хөлбөмбөгийн Холбооны “Хүүхэд-Хөлбөмбөг-Ирээдүй” хөтөлбөрийн албан ёсны түнш “М-Си-Эс Кока-Кола” ХХК нь уг хөтөлбөрийн хүрээнд  баг тамирчдыг бүхий л талаар дэмжин ажиллаж байгаа билээ. Тамирчдын шаргуу бэлтгэл сургуулилтын дундуур эх орноо төлөөлөн олон улсын тэмцээнд оролцох гэж буй эдгээр тамирчиддаа сэтгэлийн дэм, урам зориг өгөхөөр “М-Си-Эс Кока-Кола” компанитай танилцах аялалд оролцуулан гарын бэлэг гардуулан амжилт хүсэж, тэднийг гаргаж өглөө.

МХХ-ны “Хүүхэд-Хөлбөмбөг-Ирээдүй” хөтөлбөрийн албан ёсны түнш “М-Си-Эс Кока-Кола”

Categories
Хөтөлбөр Мэдээ мэдээлэл

COKE’N BEAT НААДМЫН ЯЛАГЧ UFO ХАМТЛАГ ASIAN BEAT НААДАМД АМЖИЛТТАЙ ОРОЛЦОЖ 3-Р БАЙР ЭЗЭЛЖЭЭ

М-Си-Эс Кока-Кола Компаниас санаачлан YAMAHA брэнд, Боловсрол телевиз, Эдмакс компаниудтай жил болгон хамтран зохион байгуулдаг Coke’n Beat наадмын ялагч нь Азийн амьд хөгжмийн их наадам Asian Beat-д эх орноо төлөөлөн оролцдог билээ.

 

Тэгвэл энэ оны ялагч UFO хамтлаг маань уг нэр хүндтэй наадмын III-р байрыг эх орондоо авч иржээ. Азийн шилдгүүдтэй өрсөлдөж, өөрийн орны амьд хөгжмийн хөгжлийн түвшинг таниулаад ирсэн UFO хамтлагынхандаа баяр хүргэхийн ялдамд цаашдын уран бүтээлд нь амжилт хүсье.

Categories
Брэнд Мэдээ мэдээлэл

FUZE TRADE SHOW

М-Си-Эс Кока-Кола Компанийн зах зээлд гаргаад удаагүй байгаа цоо шинэ бүтээгдэхүүн болох Fuze цайны амталгаат-урамшуулалт худалдаа, шоу арга хэмжээ 9-р сарын 20-оос 27-ыг хүртэл 3,4 хороолол “Ахуй үйлчилгээний төв талбай”, Тэнгис кинотеатрын өмнөх “Тусгаар тогтнолын талбай”, Драмын театрын урд талбай, Номин “Улсын Их дэлгүүр”-ийн гадаа талбай зэрэг газруудад нийт 6-н өдрийн хугацаанд амжилттай болж өндөрлөлөө.

 

Шоу худалдааны үеэр хамтлаг дуучид, чөлөөт бүжгийн тоглолт сонирхон, хөгжөөнт тоглоомууд дээр тоглож, дурсгалын зургаа татуулах зэрэг олон төрлийн сюрпризүүдийг хэрэглэгчиддээ барилаа. Эдгээр өдрүүдэд хамт байсан нийт хэрэглэгчиддээ баярлалаа.

 

Төгс зохицлын илэрхийлэл FUZE цай.

Categories
Хөтөлбөр Мэдээ мэдээлэл

I LIKE FANTA ХӨТӨЛБӨР

М-Си-Эс Кока-Кола ХХК нь бяцхан хэрэгчлэгч та бүхэндээ ээлжит шинэ I like Fanta аяныг өрнүүлж байна. Аяны хүрээнд:

 

  • I like Fanta хөтөлбөр
  • I like Fanta бүтээлийн уралдаан
  • I like Fanta фото зургийн уралдааныг тус тус зохион байгуулж байна.

 

I like Fanta хөтөлбөр:

Хүүхдүүдээ FANTA ундааныхаа 5 ширхэг Orange бөглөөг цуглуулан Тэнгис кино театрын баруун урд байрлах Happiness center-т авчиран газар дээр нь тасалбараа хусаж  олон сонирхолтой бэлэг хожихоос гадна ASUS notebook, I Pad, Samsung Note-ний эзэн болох боломжтой.

 

I like Fanta бүтээлийн уралдаан:

Хүүхдүүдээ уусан FANTA ундааныхаа сав болон бөглөөг ашиглан I like Fantaзохиомжтой бүтээл хийн Happiness center-т авчиран оролцох боломжтой ба хамгийн шилдэг 3 оролцогчид шагналын эзэн болох болно.  Шалгаруулалтын 70%-ийг нь хамгийн олон Like цуглуулсан бүтээл, 30%-ийг М-Си-Эс Кока-Кола ХХК-ийн шүүгчдийн шийдвэрээр шалгаруулах болно.

 

  1. I байр- IT Zone дэлгүүрийн 500,000 төгрөгийн бүтээгдэхүүн авах эрх
  2. II байр- IT Zone дэлгүүрийн 300,000 төгрөгийн бүтээгдэхүүн авах эрх
  3. III байр- IT Zone дэлгүүрийн 150,000 төгрөгийн бүтээгдэхүүн авах эрх

 

Бүтээл хүлээн авах хугацаа 9-р сарын 17-с 10-р сарын 17 хүртэл

Бүтээлд  like  авах хугацаа 10-р сарын 18-с 11-р сарын 12 хүртэл.

 

like Fanta фото зургийн уралдаан:

 

Хүүхдүүдээ I like Fantaзохиомжтой фото зураг авахуулан Facebook/CocaColaLoveMongolia-д зургаа оруулан хамгийн их like авсан 3 оролцогч шагналын эзэн болох болно. Оролцогч хүүхдүүдийн зургийг ilikefanta@ymail.com хаягаар хүлээн авах ба хүүхэд бүр дээд тал нь 3 зургаар оролцох боломжтой юм.

 

  1. I байр- IT Zone дэлгүүрийн 500,000 төгрөгийн бүтээгдэхүүн авах эрх
  2. II байр- IT Zone дэлгүүрийн 300,000 төгрөгийн бүтээгдэхүүн авах эрх
  3. III байр- IT Zone дэлгүүрийн 150,000 төгрөгийн бүтээгдэхүүн авах эрх

 

Фото зургийг хүлээн авах хугацаа 9,17 -10,17

Фото зургийн Facebook-ээр like  авах хугацаа 10.18-11.12

 

Дэлгэрэнгүй мэдээллийг Facebook/CocaColaLoveMongolia, 70165555, 88033449 дугаараас лавлана уу?

Categories
Компани Мэдээ мэдээлэл

БАЙГАЛЬД ЭЭЛТЭЙ БИО УУТ

“М-Си-Эс Кока-Кола” ХХК нь “Эх Дэлхийгээ Хайрлаж-Эерэгээр Амьдарцгаая” уриан дор Их Монгол Улс, Эзэн Чингис хаанын гал голомт Хан Хэнтийн уул, гурван голын эх ариун дагшин нутаг болох Хан Хэнтийн уулсын Тусгай хамгаалалттай газарт зориулан байгальд хоргүй, хурдан уусдаг нано технологиор хийгдсэн  хогны уутыг жилийн хэрэгцээт хэмжээгээр нь олгож байна.

 

Энэхүү био уут нь 5 кг хог даах чадвартай ба Хан Хэнтийн тусгай хамгаалалтай газарт аялахаар зорчиж буй гадаад, дотоодын аялагчдад бидний хэлж заншснаар Тэрэлжийн гүүрний постоор дамжин өнгөрөх тасалбарын хамт олгогдох ба аялагчид аялалын туршид бий болгосон хогоо тус уутанд цуглуулан тусгай хамгаалалттай газар нутгаас гарахдаа төвлөрсөн зориулалтын хогийн цэг дээр үлдээх үүрэгтэй юм.

 

М-Си-Эс Кока-Кола ХХК нь “Эерэгээр амьдарцгаая” уриан дор байгаль орчны сөрөг нөлөөллийг бууруулахын төлөө чин эрмэлзэлтэй ажиллаж ирээдүйн сайн сайхан өөрчлөлтөд чиглэсэн эерэг үйлсэд нэгдэж үйл ажиллагаагаа явуулдаг. Тийм ч учраас эх дэлхийгээ хайрлах” Эерэг” үйлсэд нэгдэж, байгаль дэлхий, гол горхио бохирдлоос сэргийлж, түүх соёлын дурсгалын өлгийн нутаг, байгалийн өвөрмөц тогтоцтой Хан Хэнтийн уул, гурван голын сав газрын экологийн тэнцвэрт байдал, биологийн төрөл зүйл, унаган байдлыг хадгалан хамгаалж хойч үеийнхэндээ өвлүүлэн үлдээх эрхэм нандин хариуцлагаа ухамсарлан ажиллаж байна.

Categories
Хөтөлбөр Мэдээ мэдээлэл

ЭКО ДУГУЙ АЯЛАЛ ЗОХИОН БАЙГУУЛАГДЛАА

Залуучуудын холбоо Спиртлэг бус спортлог уриан дор 2012 оны 07-р сарын 28-наас 29-нд 50 гаруй залуусыг нэгтгэн Эко дугуйт аялалыг зохион байгууллаа.  Нийт 150км газрыг дугуйгаар туулсан эдгээр залуусыг MCS Coca Cola Bonaqua 3+ ивээн тэтгэсэн юм. Аялалд оролцогч залуус “Залуу дугуйчин” клубыг нээсэн ба дугуйн спорт сонирхогч залуус оролцож болох юм байна.

Categories
Хөтөлбөр Мэдээ мэдээлэл

“OPEN WATER” ЭКО АЯЛЛЫГ ЗОХИОН БАЙГУУЛЛАА

Монголын усан спорт клуб, эрүүл, идэвхитэй амьдралыг дэмжигч Bonaqua 3+ брэнд хамтран “Open water” эко аяллыг 2 дахь жилдээ  зохион байгууллаа.

 

2012 оны 07-р сарын 16-наас 2012 оны 07-р сарын 25-ныг хүртэл Үзэсгэлэнт Дорнод аймаг Буйр нууранд Монголын анхны 9км-ийн сэлэлтийг хийсэн юм. Усан спорт сонирхогч нийт 40 залуус явсан ба усанд сэлэхийн хажуугаар байгалийн үзэсгэлэнт газруудаар аяллаа.

 

Энэхүү аяллаар Монголын Үндэсний Боловсрол суваг телевиз нэвтрүүлэг бэлтгэсэн ба та нэвтрүүлгийг2012 оны 08-р сарын 19, 26-ны өдрүүдэд хүлээн авч үзэх боломжтой.

Categories
Хөтөлбөр Мэдээ мэдээлэл

“СПРАЙТ 3VS3” ТЭМЦЭЭН ЭРДЭНЭТ ХОТОД БОЛЛОО

“М-Си-Эс Кока Кола компани” болон “TLG13” ТББ хамтран долоо дахь жилдээ зохион байгуулж буй “Спрайт 3VS3” гудамжны сагсан бөмбөгийн 2012 оны 8-р сарын 5-нд Орхон аймгийн Эрдэнэт хотод амжилттай боллоо.

 

Төв талбай дээр болсон “Спрайт 3VS3” тэмцээнд нийт 52 багийн 260 орчим хүүхэд залуус оролцлоо. Өрсөлдөөнтэй өрнөсөн тэмцээнд Багануур дүүрэгтэй адил эрэгтэй 15-17 нас, 18-аас дээш гэсэн ангилалаар, эмэгтэй насны ангилалгүйгээр тоглосон юм. Мөн медаль хүртсэн бүх баг тамирчдад спрайт брэндийн футболк, малгайг бэлэглэсэн. Ингээд тэмцээний ангилал бүрдээ бусдыгаа хошуучлан эхний гуравт шалгарсан шилдэг багуудыг танилцуулж байна.

 

  • Тэмцээний бага нас болох 15-17 насны ангилалд нийт хорин баг өрсөлдсөнөөс “Friends” баг аваргаар шалгарлаа. Аварга баг 200,000 төгрөг, өргөмжлөл, алтан медаль, спрайт брэндийн гарын бэлгийн эзэн болсон.
  • Харин удаах байранд “Нэг” баг орж 150,000 төгрөг, мөнгөн медаль, спрайт брэндийн гарын бэлэг хүртсэн.
  • Харин тэмцээний гуравдугаар байранд “Найзууд” баг шалгарч 100,000 төгрөг, хүрэл медаль, өргөмжлөл, спрайт брэндийн гарын бэлгийн эзэд боллоо.

 

Харин охидын зургаан баг өрсөлдсөнөөс,

  • Аварга багаар “ТИС” шалгарч 200,000 төгрөг, өргөмжлөл, алтан медаль, спрайт брэндийн гарын бэлгийн эзэн болсон.
  • Харин удаах байранд “Баян-Өндөр” баг шалгарч 150,000 төгрөг, мөнгөн медаль, спрайт брэндийн гарын бэлэг хүртлээ.
  • Тэмцээний охидын ангилалд гуравдугаар байранд “Орхон” баг орсон бөгөөд 100,000 төгрөг, хүрэл медаль, өргөмжлөл, спрайт брэндийн гарын бэлгийн эзэд боллоо.

 

Хамгийн өрсөлдөөнтэй нас болох том нас буюу 18-аас дээш насанд нийт 26 баг өрсөлдсөнөөс,

  • “Fuzeteа I” баг аварга боллоо. Тус багийн хувьд Спрайт хөгжлийн лиг, Спрайт супер лигийн аварга “Танан Импекс” багийн тоглогч Ж.Оргилболдын ахалсан баг байсан бөгөөд аваргын төлөө нэг багт тоглодог А.Сумъяа, О.Очирбат, Г.Алтангэрэл нарын хүчирхэг бүрэлдэхүүнтэй багийг хожин аварга боллоо. “Fuzeteа I” багийн ахлагч Ж.Оргилболд цаг дуусах мөчид алсын зайн шидэлтийг оновчтой болгож багаа аварга баг болсноор 200,000 төгрөг, өргөмжлөл, алтан медаль, спрайт брэндийн гарын бэлгийн эзэн болсон.
  • Харин дэд аварга болсон “Hаngover” баг 150,000 төгрөг, мөнгөн медаль, спрайт брэндийн гарын бэлэг хүртлээ.
  • Тэмцээний том насны гуравдугаар байранд “Танил талст” баг орсон бөгөөд 100,000 төгрөг, хүрэл медаль, өргөмжлөл, спрайт брэндийн гарын бэлгийн эзэд боллоо.

 

Эрдэнэт хотод болсон “Спрайт 3VS3” тэмцээнд оролцсон нийт 260 гаруй тоглогчдоос,

  • Шилдэг тоглогч шалгаруулж эрэгтэй тоглогчдоос аварга авсан “Fuzeteа I” багийн Ж.Оргилболд,
  • Эмэгтэй тоглогчдоос “ТИС” багийн Хажидмаа шалгарч Спрайт брэндийн бөмбөг, ундаа, үүргэвчээ шагнууллаа.

 

Ийнхүү Орхон аймгийн Эрдэнэт хотод “Спрайт 3VS3” тэмцээн амжилттай боллоо.

Categories
Хөтөлбөр Мэдээ мэдээлэл

АЛТЫН ТӨЛӨӨ ХАМТДАА ХӨТӨЛБӨРИЙН АЗТАНГУУД ЛОНДОН ХОТЫГ ЗОРИЛОО

М-Си-Эс Кока-Кола компаниас хэрэглэгч олонд зориулан явуулсан Минут Майд Уудаг жимсний урамшуулал болон Алтын Төлөө Хамтдаа хөтөлбөрийн азтангууд, мөн М-Си-Эс Кока-Кола компаний 3 харилцагч компани зэрэг нийт 7 азтанг Лондон 2012 Зуны Олимпыг үзүүлэхээр Чингис Хаан нисэх онгоцны буудалд үдэж өглөө. 7 азтан маань сэтгэл өндөр, баяр баяслаар дүүрэн байсан бөгөөд Лондонгийн Олимпод оролцож байгаа Монголын тамирчдаа өөрийн дуу хоолой, биеэр хөгжөөн дэмжихээр Монголоос хөдөллөө.