Ангилал: Мэдээ мэдээлэл

Гуравдугаар сарын 18-ны өдөр “Дэлхийн дахин боловсруулах өдөр” тохиож буйтай холбогдуулан манай компани “Хаягдал хуванцар савыг дахин боловсруулах төсөл”-өө танилцуулж байна.

Хүнсний бүтээгдэхүүний эрэлт, нийлүүлэлтийн гинжин хэлхээнд идэвхтэй оролцдогийн хувьд Кока-Кола компани “Өөрийн зарсан ундаа болгоны савыг дахин боловсруулахад анхаарч ажиллана” гэсэн амлалтынхаа хүрээнд дэлхийн өнцөг булан бүрт байгаа ундаа үйлдвэрлэх, зарж борлуулах компаниудаа энэхүү ажилд хариуцлагатайгаар нэгдэж, үр дүнд хүрэхийг уриалж байгаа юм. М-Си-Эс Кока-Кола компани уг уриалгыг дэмжин 2030 он гэхэд нийт хаягдал хуванцар саваа 100 хувь дахин боловсруулах, сав баглаа боодлынхоо жинг бууруулах зорилт тавин ажиллаж эхлээд байна.

Энэхүү кампанит ажлын хүрээнд М-Си-Эс Кока-Кола компани нь 2018 оноос өөрийн нийлүүлэгч TML ХХК-тай хамтран Монгол Улсад анх удаа хуванцар савыг дахин боловсруулах үйлдвэрийн төслийг хэрэгжүүлж байна. Энэхүү үйлдвэр нь жилд 20 мянган тонн хаягдал хуванцрыг дахин боловсруулах бөгөөд ундааны саванд ордог хуванцартай дүйцэхүйц чанартай түүхий эд болгох хүчин чадалтай юм. Мөн үйлдвэрийн төслийн хүрээнд хуванцар сав цуглуулах, ялгах, дахин боловсруулах 110 гаруй ажлын байрыг шинээр бий болгоод байна. Түүнчлэн бид 2019 оноос эхлэн сав, баглаа, боодлынхоо жинг бууруулах ажлыг эхлүүлээд байгаа бөгөөд өнгөрсөн онд хуванцар савныхаа жинг бууруулж, 147 тонн-ын хэмнэлт гаргаад байна. Энэ нь байгаль орчинд ээлтэй байх зорилтоо бодитоор хэрэгжүүлж буй жишээ билээ.

Гүйцэтгэх захирал Л.Мягмаржав “Хувийн хэвшлийн компаниуд өөрийн санаачилга, хөрөнгөөр, тулгуурлан дахин боловсруулах үйлдвэрийг ашиглалтад оруулсан ч хэрэглэгчид хог хаягдлаа ангилах, цуглуулах, боловсруулах ажилд мэдлэгтэй, ухамсартай, идэвхтэй оролцох нь байгаль дэлхийгээ хог хаягдлаас аврах энэ төсөл амжилттай хэрэгжих гол үндэс болно” хэмээн онцоллоо.
Цаашид М-Си-Эс Кока-Кола компани нь хаягдал савыг ангилан цуглуулах үйл ажиллагаанд олон нийтийг татан оролцуулах, харилцагч байгууллага, дэлгүүрүүдээр дамжуулан хаягдал хуванцар савуудаа цуглуулах цогц тогтолцоог бүрдүүлэх чиглэлээр тасралтгүй үйл ажиллагаа явуулах юм.

Хүн төрөлхтөн үүсэж бий болсон цагаасаа эхлэн хүнсний бүтээгдэхүүнээ тодорхой хугацаанд хадгалах, зөөвөрлөх  хэрэгцээ шаардлагын үндсэн дээр байгалийн мод, чулуу, навч, өвс зэргийг ашиглаж ирсэн түүхтэй. Хөдөлмөрийн багаж зэвсэг бий болж нарийсахын хэрээр сав, баглаагаа улам боловсронгуй болгож бүтээгдэхүүнээ удаан хугацаагаар хадгалах мэдлэгийг хуримтлуулж эхэлсэн. XIX зуун буюу 1800 оноос нефтийн үйлдвэрлэл эхэлснээс үүдэлтэй хүнсний бүтээгдэхүүний сав, баглаа, боодол нь хөнгөн, нимгэн, тунгалаг, хүнсний аюулгүй байдлыг хангасан, олон төрлийн хэрэгцээ шаардлагад нийцсэн болж сайжирч ирсэн ч байгальд удаан задардаг, урт настай учраас хог хаягдал үүсгэх эрсдэлийг дагуулсаар ирсэн. XIX, XX зууныг дамнасан сав баглаа боодлын их хэмжээний нийлүүлэлт нь хэрэглэгчдэд “байж л байдаг, хаяж л байдаг” гэсэн үл тоох хандлагыг бий болгож, улмаар байгальд ил задгай хаях, нэг л удаа хэрэглэх хандлагатай болсноор эдгээр урт настай, хөнгөн сав баглаа боодлууд гол мөрөн, далай тэнгисийг бохирдуулах хэмжээнд хүртлээ цугларлаа.
XXI зууны хүн төрөлхтөн амьдралын хэв маягтаа өөрчлөлт оруулах шаардлагатай болсны илрэл нь сав, баглаа, боодлыг хаяхдаа хариуцлагатай хандаж, дахин боловсруулах гинжин хэлхээнд идэвхтэй оролцох болсон явдал юм.

Тиймээс хүн бүр ухамсартайгаар хогоо ангилан хаяж хог хаягдалгүй дэлхий ертөнцийг бүтээцгээе.

Манай компани түүхий нүүрс шатаадаг технологийг бүрэн халж, хийн түлшээр ажилладаг уурын зуухыг ашиглалтад орууллаа. Ингэснээр агаарын бохирдол үүсгэхгүй, байгальд ээлтэй (emission free) инженерингийн шинэлэг шийдэл бүхий төслийг амжилттай хэрэгжүүлсэн Монгол Улсын анхны хүнсний үйлдвэр болов.

Жилд 7,000 орчим тонн түүхий нүүрсийг хэрэглэхгүй болсноор манай компани байгальд ээлтэй байх цогц хөтөлбөрийн зорилтоо шат дараалан хэрэгжүүлж буй юм. Тус зорилтынхоо хүрээнд 2010 онд үйлдвэрийн бохир ус цэвэршүүлэх байгууламжийг өөрийн хөрөнгөөр барьж, байгальд хаяж болохуйц цэвэршилттэй саарал усыг Улаанбаатар хотын Төв цэвэрлэх байгууламжийн төвлөрсөн системд нийлүүлсээр байна.

“Энэхүү төслийг хэрэгжүүлснээр Монгол Улсын Засгийн Газраас хэрэгжүүлж буй “Агаарын бохирдлыг бууруулах талаар авах зарим арга хэмжээний тухай” 43-р тогтоол, “Түүхий нүүрс хэрэглэхийг хориглох тухай” 62-р тогтоол, Нийслэлийн Засаг даргын “Нам даралтын зууханд түүхий нүүрс хэрэглэхийг хориглох тухай“ А/1377 захирамжийг компанийн түвшинд хэрэгжүүлэх боломжтой болж байгаа юм.

Бид М-Си-Эс Интернэйшнл компанитай хамтран төслөө хэрэгжүүлэхдээ Японы NTEC компанийн найман ширхэг ус халаах зуух, БНСУ-ын DAEYEOL компанийн дөрвөн ширхэг хийн түлшээр ажилладаг уурын зуухыг ашиглалтад орууллаа. Эдгээр нь холбогдох дэд бүтэц бүхий бүрэн автомат, шингэрүүлсэн хийн түлшээр ажилладаг шинэ технологийн зуухнууд юм. Тоног төхөөрөмжийн суурилуулалт, туршилтын үе нь дэлхий дахинд цар тахал дэгдсэн хөл хориотой давхацсан тул бид тоног төхөөрөмжийн нийлүүлэгч талуудтай харилцан тохиролцсоны үндсэн дээр тохируулга туршилтын ажлыг зайнаас удирдах виртуал хувилбарыг сонгосон нь Монгол инженерүүдийн ур чадварыг шалгасан, цаг хугацаа хэмнэсэн, дэвшилтэт технологиудыг нэвтрүүлсэн ажил болсон билээ.

Улаанбаатар хотын Ерөнхий менежер Т.Гантөмөр “Төвлөрсөн дулаан хангамжид холбогдоогүй, түүхий нүүрсээр ажилладаг зуухтай үйлдвэр, аж ахуйн нэгжүүдэд шинэчлэл хийх сайн жишиг боллоо” хэмээн уг төслийн ач холбогдлыг үнэлсэн юм.

 

Манай компани нийгэм, байгаль орчиндоо ээлтэй бизнес эрхэлж, тогтвортой хөгжлийн зарчмыг тууштай баримталж буй бодит жишээ энэхүү төслөөр үргэлжилж байна.

Монгол Улсын Засгийн Газраас хэрэгжүүлж буй “Агаарын бохирдлыг бууруулах талаар авах зарим арга хэмжээний тогтоол”, “Түүхий нүүрс хэрэглэхийг хориглох тухай 62-р тогтоол”, Нийслэлийн Засаг даргын “Нам даралтын зууханд түүхий нүүрс хэрэглэхийг хориглох” тухай захирамжийг дэмжин манай компани үйлдвэрийнхээ нүүрсээр ажилладаг уурын зуухыг байгальд ээлтэй хийн зуухд шилжүүлэх төслийг М-Си-Эс Интернэйшнл ХХК-тай хамтран амжилттай хэрэгжүүллээ.

Энэ төсөл хэрэгжсэнээр жилд 7,000 орчим тонн түүхий нүүрсний хэрэглээг халж, агаарт хаягдах хүлэмжийн хийн ялгаруулалтыг бодит хэмжээгээр бууруулж байгаа юм.

Уг төслийн хүрээнд Япон улсын NTEC компанийн 0.6 Гкал/цаг хүчин чадалтай найман ширхэг ус халаалтын зуух, БНСУ-ын DAEYEOL компанийн 4 тонн/цаг  хучин чадалтай дөрвөн ширхэг уурын зуух болон холбогдох дэд бүтэцтэй Монголд анхны байгаль орчинд ээлтэй шинэ технологи бүхий хийгээр ажилладаг өндөр хүчин чадалтай уурын зуухнуудыг ашиглалтанд оруулж, түүхий нүүрсний хэрэглээг халлаа.

“Токио-2020” олимпийн босгон дээр Олон улсын сагсан бөмбөгийн холбооны 3×3 төрлийн гурван том тэмцээнийг Монголын 3×3 сагсан бөмбөгийн холбоо, М-Си- Эс Групп, М-Си-Эс Кока-Кола ХХК-ийн дэмжлэгтэйгээр Монгол Улс анх удаа эх орондоо хүлээн авч, Монгол Улсын Ерөнхий сайдын ивээл дор зохион байгууллаа.

ФИБА 3×3 төрлийн 23 хүртэлх насны үндэстнүүдийн лигийн тэмцээн /U23 Nations League/, ФИБА 3х3 Улаанбаатар дэлхийн гранпри тэмцээн, мөн 18 хүртэлх насны Дэлхийн аваргын тэмцээн /U18 World Cup/ Сүхбаатарын талбайд зургаадугаар сарын 1-ний өдрөөс эхлэн 9-ний өдрийг дуустал үргэлжиллээ .

Дээрх гурван тэмцээнд 34 орны шилдэг 40 багийн орны 500 гаруй тамирчид, төлөөлөгч нар оролц сон бөгөөд тэмцээний үеэр Олон улсын сагсан бөмбөгийн холбооны 3×3 төрөл хариуцсан гүйцэтгэх захирал Алекс Санчес, хөгжил хариуцсан менежер Роберт Реблингер нар онцгойлон хүрэлцэн иржээ.

Ташрамд дурдахад ФИБА-н медиа багийн хамт олон тус тэмцээнүүдийг дотоодын мэргэжлийн баг хамт олонтой хамтран ажиллаж дэлхийн 160 гаруй оронд Улаанбаатар хотын төв талбайгаас шууд дамжуулан хүргэж байлаа.

Монголчууд анх удаа ФИБА 3×3 төрлийн шилдэг сагсан бөмбөгч дийн дэлхийн аваргын тэмцээнийг нутагтаа , дэргэдээс нь үз эж сонирхлоо. Гудамжны хэмээн нэрлэгдэж байсан сагсан бөмбөгийн 3х3 төрлийг Спрайт брэнд анх дэмжин, “TLG-13” төрийн бус байгууллагатай 2005 оноос өнөөдрийг хүртэл 14 жил хамтран ажиллаж , Монгол Улсад сагсан бөмбөгийн спортыг хөгжүүлэх үйлсийг тасралтгүй дэмжин өнгөрсөн хугацаанд нийт 3,7 тэрбум төгрөгийн хөрөнгө оруулалтыг сагсан бөмбөгийн спортод оруулсан байна.

Энэ хугацаанд жилд дунджаар 10,000 гаруй хүүхэд залуус Спрайт лиг болон Спрайт 3х3 тэмцээнүүдэд оролцсоор иржээ. Эдгээр тэмцээн лигүүдэд оролцож ирсэн залуус маань өдгөө амжилт үзүүлэн дэлхийн дэвжээнд эх орныхоо нэрийг бахархалтайгаар өргөж буй Улаанбаатар Хангарьд баг юм.

М-Си-Эс Групп, М-Си-Эс Кока-Кола ХХК спортоор дамжуулан Монгол орноо дэлхийд таниулах үйлсийг тасралтгүй дэмжсэний үр дүнд М онгол Улсын 3 x 3 сагсан бөмбөгийн шигшээ баг ФИБА 3 x 3 Ази т ивийн аварга шалгаруулах тэмцээн д 3 жил дараалан шигшээ тоглолтонд шалгаран нэг алт, хоёр мөнгөн медалийг хүртээд байгаа нь Монголчууд бидний хувьд бахархмаар сайхан амжилт юм.

Монгол Улсын Засгийн МҮХАҮТ хамтран 2018 онд улс орныхоо нийгэм, эдийн засгийн хөгжилд бодитой хувь нэмэр оруулж буй ТОП 100 аж ахуй нэгжийг шалгаруулан өргөмжиллөө.

М-Си-Эс Кока-Кола ХХК 2006 оноос сагсан бөмбөгийн спортын хөгжлийг тасралтгүй дэмжин өнгөрсөн хугацаанд 3,6 тэрбум төгрөгийн хөрөнгө оруулалтыг сагсан бөмбөгийн спортод оруулжээ. 2018 онд 3×3 сагсан бөмбөгийн түүхэнд эх орныхоо нэрийг гаргаж, багийн спортын түүхэнд цоо шинэ хуудас нээсэн үндэсний шигшээ багийн хамт олныг 20 сая төгрөгөөр урамшуулж, Монголын 3х3 сагсан бөмбөгийн баг Азийн аварга, Дэлхийн аваргын шилдэг найман багийн нэг хэмээх хүндтэй алдрыг хүртэхэд тулгуур болж байна.

Монгол Улсад анх удаа Хөлбөмбөгийн Дэлхийн Аваргын Цомын Аяллыг зохион байгуулж, Монгол Улсын нэр хүндийг дэлхий дахинд тодотгож нийгмийн хариуцлагаа бас нэгэн хэлбэрээр хэрэгжүүлсэн юм. ТОП 100 ААН-ийг өнгөрсөн жилүүдэд компанийн төлсөн татвар, борлуулалтын орлого, ажиллагсдын тоо, ашиг, хөрөнгийн хэмжээ гэсэн үзүүлэлтээр шалгаруулдаг байсан бол энэ жилээс дээрх үзүүлэлтээс гадна компанийн нийгмийн хариуцлагыг харгалзан үзэж эхэлжээ.

М-Си-Эс Кока-Кола ХХК нь байгуулагдсан цагаасаа хойш нийгмийн хариуцлагыг хэрэгжүүлсээр ирсэн бөгөөд нийгмийн сайн сайхны төлөөх олон нийтийг хамарсан санал санаачилга түүнийг хэрэгжүүлэх хандив, ивээн тэтгэлэг нь байгаль орчиндоо ээлтэй, хүн нийгэмдээ үр өгөөжтэй байхыг чухалчилж үздэг. 2018 онд Хавдар судлалын үндэсний төвд элэгний хавдартай өвчтөнд элэг шилжүүлэн суулгах мэс заслын дараах эмчлүүлэгчдэд тусгай эмчилгээний хоол шаардлагатай байдаг бөгөөд эмнэлгийн гал тогоог шинэчлэхэд хандив үзүүлэв.

Байгалийн тусгай хамгаалалттай газрын захиргаануудад цэвэр усны нөөцийг хамгаалах, байгалийн бохирдлыг бууруулах хог хаягдлын менежментийг сайжруулах зорилгоор байгальд ээлтэй, био хогны уутыг жил бүр үнэ төлбөргүй олгож байна. Мөн оюутан залуучуудын боловсрол, нийгмийн эрүүл мэнд, нийгмийн эмзэг бүлгийг тасралтгүй дэмжин ажиллаж байна.