Мэдээ мэдээлэл
Minute Maid Жүржийн Талст бүтээгдэхүүн маань “Улаанбаатар Түншлэл 2017” олон улсын үзэсгэлэн яармагт шилдгээр шалгарч Монголын Үндэсний Худалдаа Аж Үйлдвэрийн Танхим болон Нийслэлийн Засаг Даргын Тамгын Газрын нэрэмжит цом, хүндэт өргөмжлөлөөр шагнагдлаа.
Монгол Улсын Засгийн газар, Монголын үндэсний худалдаа аж үйлдвэрийн танхим хамтран жил бүр зохион байгуулдаг ТОП-100 аж ахуйн нэгжийн цом гардуулах ёслол өчигдөр Төрийн ордонд болж, шилдгүүдээ өргөмжиллөө.
2016 оны ТОП-100 шалгаруулалтад үндэсний групп компаниудаас М-Си-Эс группийн нийт 11 компани шалгарч, группийн амжилтаараа Монгол Улсын хэмжээнд хоёрдугаарт эрэмбэлэгдлээ. Энэ нь өнгөрсөн жилүүдэд хүрсэн амжилтаа бататгасан үйл явдал болж байна.
Улсынхаа нийгэм, эдийн засгийн хөгжилд оруулсан бодит хувь нэмрийг үнэлж, дүгнэдэг энэхүү шалгаруулалтад М-Си-Эс Кока-Кола ХХК 21 дүгээр байранд шалгарлаа.
Амьдрал гэдэг гайхамшиг ирэхийг хүлээж байх зуур болж өнгөрдөг богинохон зүйл. Гэтэл гайхамшиг заримдаа маш энгийн зүйлд ч оршиж байдгийг бид тэр бүр анзаардаггүй.
Заримдаа бид өөрт юу байхгүйгээ үргэлж боддог атлаа юу байгаагаа ховорхон бодож, ухаардаг юм шиг санагддаг. Харин та өөртөө юу байгааг анзаарч, таныг ямар сайхан хүмүүс хүрээлж байгааг мэдэрч чадвал амьдрал гайхамшигтай байхын тулд заавал төгс төгөлдөр байх албагүй гэдгийг ойлгох болно. Маш энгийн бөгөөд товчоор илэрхийлбэл гайхамшиг гэдэг бол аз жаргал, сэтгэл ханамж юм. Энэ бол таныг тойрон хүрээлж байдаг, энгийн зүйлд ч оршиж байдаг, таныг инээмсэглүүлж, баярлуулж, сэтгэл ханамжтай байлгаж чаддаг тэдгээр зүйл юм. Тиймээс амьдралын хором мөч бүрийг эерэгээр харж, өөрт байгаа зүйлсдээ сэтгэл ханамжтай байснаар та амьдралдаа өдөр бүр гайхамшгийг бүтээж чадна гэсэн үг.
1. Танд юу сэтгэл ханамж өгдөг вэ?
Амьд байгалийн тоглох ер бусын найрал хөгжим, та сонс доо. Гадаа аль хэдийнээ хавар ирчихжээ. Та үүнийг харж, сонсож байна. Энэ бол гайхамшигтай.
2. Таныг юу жаргалтай болгодог вэ?
Өөрөө л хүсвэл бид өдөр бүрийг тэмдэглэлт өдөр шиг жаргалтай өнгөрөөх боломжтой. Шинэ он, шинэ сар, шинэ долоо хоног, шинэ өдөр, шинэ өглөө бүхэн бидэнд цоо шинэ бэлэг. Энэ бол гайхамшигтай.
Гагцхүү энэ бэлгийг хэрхэн тосож авах нь танаас л хамаарна. Хэрэв та уурлаж бухимдахдаа энэ богинохон амьдралынхаа цагаас үрж байгаагаа мэдэрч чадвал, амьдрал танд санал болгож байгаа олон гэнэтийн бэлэг, баяр хөөр, аз жаргалыг хажуугаараа өнгөрөөж байгаагаа ойлгох болно.
3. Таныг юу инээмсэглүүлдэг вэ?
Тархи ганцхан үйлдэлд хууртдаг юм гэнэ лээ. Амны хайрцгаа, уруулаа инээмсэглэж байгаа байрлалд оруулахад л аз жаргалын даавар ялгарч эхэлдэг байна. Тиймээс инээмээргүй байсан ч уруулаа инээмсэглэж байгаа мэт болгоход л тархи таныг аз жаргалтай байна гэж боддог аж. Тиймээс зүгээр л инээмсэглэ, өөрийгөө аз жаргалаар бялхаа. Энэ мэдрэмж чинь л гайхамшигтай юм шүү дээ. Энгийн нэг инээмсэглэл хүртэл хүнд цоо шинээр амьдрах итгэл найдварыг өгдгийг үргэлж сана.
4. Таныг юу баярлуулдаг вэ?
Хэн нэгнээс сонсох урмын үг, хэн нэгний хийсэн эерэг үйлдэл, халамж хайр, чамайг хайрладаг хэн нэгэн гээд таныг юу баярлуулдаг вэ. Энэ бүхэн өөрөө гайхамшигтай.
5. Таныг юу урамшуулдаг вэ?
Амьдрал бидэнд аз жаргалыг алгуурхнаар өгч дайлдаг. Тэр аз жаргал нь санаа нийлсэн найз нөхөд, гэр бүл, танд байгаа бүх зүйл. Эргэн дурсах сургамжтай, санан баясах мөчүүдтэй, гунигтай бас хөгжөөнтэй үеүд… Энэ бүхэн өөрөө гайхамшигтай.
Нийслэлийн Мэргэжлийн Хяналтын Газраас “Хэрэглэгчдэд ээлтэй хүнс үйлдвэрлэгч” шалгаруулах арга хэмжээг 2 жил тутам зохион байгуулдаг бөгөөд түүхий эд, материал хүлээн авахаас эхлэн эцсийн бүтээгдэхүүн хэрэглэгчдэд очих хүртэлх бүх үе шатанд үйлдвэрлэлийн болон эрүүл ахуйн зохистой дадлуудыг нэвтрүүлж чанар, аюулгүй байдлыг бүрэн хангасан хүнсээр хүн амыг хангах нөхцөлийг бүрдүүлэн ажиллаж буй компанийг шалгаруулдаг.
Энэхүү шалгуурыг бүрэн хангаж ус, ундаа, шүүс, цай үйлдвэрлэгчдээс “М-Си-Эс Кока-Кола” ХХК “Хэрэглэгчдэд ээлтэй хүнс үйлдвэрлэгч”-ээр шалгарлаа.
Бид цаашид хэрэглэгч ард түмэндээ чанартай, хамгийн итгэлтэй бүтээгдэхүүнийг үйлдвэрлэн түгээх ажилд чармайн ажиллах болно.
Өнөөдөр дэлхийн усны өдрийг тохиолдуулан “Хаягдал ус – Нөөц баялаг” уриан дор форум зохион байгуулж амжилттай тэмдэглэлээ. Форумын үеэр хаягдал усыг дахин ашиглаж, шинэ техник технологийг хэрэглээндээ нэвтрүүлсэн аж ахуйн нэгжүүд үзэсгэлэн гаргаж, өөрсдийн технологи, ололт, амжилтаа усны салбарынханд танилцуулсан юм.
Энэ үеэр хаягдал усыг цэвэршүүлэн үр ашигтай зарцуулж, бусад аж ахуйн нэгж, байгууллагад үлгэр жишээ болж байгаа М-Си-Эс Кока-Кола компанийн Байгаль орчин хөдөлмөрийн аюулгүй байдал, эрүүл ахуй хариуцсан менежер М.Энхжаргал илтгэлдээ
“Манай компанийн бизнесийн гол үндэс нь ус. Иймд бизнесийнхээ үндэс болсон усыг хамгаалах хөтөлбөрүүдийг шат дараатай хэрэгжүүлж байна. Үүний тод жишээ бол Хүнсний үйлдвэрүүд дундаас хамгийн анхны хаягдал ус цэвэршүүлэх байгууламжийг 2015 онд ашиглалтад оруулсан явдал юм. Манай Хаягдал Ус Цэвэршүүлэх Байгууламж нь хоногт 2000 шоо метр хаягдал усыг биологийн болон MBR технологийн дагуу шүүн цэвэршүүлж байна. Хаягдал Ус Цэвэрлэх Байгууламжаас гарсан ус нь Монгол Улсын Хүрээлэн буй орчинд нийлүүлэх цэвэрлэгдсэн бохир усны стандарт болох MNS 4943:2015 стандартад нийцсэн бөгөөд загас амьдрах хүртэл төвшинд цэвэршүүлсэн ус юм. Бид энэ усаа Нийтийн үйлчилгээний Улаанбаатар нэгтгэлд Улаанбаатар хотын ногоон байгууламжийн усалгаа, зам талбай угаалтанд өгч байгаа ба Баянзүрх дүүргийн Онцгой байдлын Гал унтраах хэлтэст ой хээрийн түймэр унтраахад өгөхөөр болсон. Мөн бид өөрийн үйлдвэрийн ногоон байгууламжийн усалгаа болон түгээлтийн машинуудаа угаахад ашиглаж байна” хэмээлээ.
Тус компанийн Хаягдал ус цэвэршүүлэх байгууламжид тэжээж буй загаснууд
Энэхүү байгаль орчин, усны нөөц баялгийг хамгаалах, нөхөн сэргээх, усны зүй зохистой ашиглалтыг бий болгосон, нийгмийн хариуцлагатай үйлсийг хэрэгжүүлж байгаа “М-Си-Эс Кока-Кола” ХХК болон “Эн Эс Ти” ХХК, “Лора-Пиана Монголиа” ХХК, Сэтгэцийн эрүүл мэндийн үндэсний төв, “Фучер холдинг” ХХК зэрэг таван аж ахуйн нэгжид БОАЖЯ-ны талархал гардууллаа.
Энэ сарын 14-25-ны өдрүүдэд Австри улсад зохиогдох Дэлхийн Тусгай Олимпын өвлийн наадамд Монголын тамирчид оролцохоор бэлтгэл сургуулилтаа хийн, тус улсыг зориход бэлэн болжээ. Манай улсаас 14 тамирчин гүйлтийн цана, цасны гулгалттай гүйлт, заалны бөмбөгтэй хоккейн төрлүүдээр оролцоно.
Тусгай Олимп нь оюуны бэрхшээлтэй хүмүүст спортын уралдаан, тэмцээнээр дамжуулан урам өгөх, бие бялдрыг нь хөгжүүлэх, тэднийг эрүүл хүмүүстэй адил тэгш эрхтэй иргэн гэдгийг нь олон нийт, нийгэмд таниулах зорилготой юм.
Бидний зүгээс Тусгай Олимпын өвлийн наадамд оролцох баг тамирчдын спортын хувцас хэрэглэлийг ивээн тэтгэсэн бөгөөд тамирчдыг хүлээн авч, өндөр амжилт гаргахыг ерөөн үдэж өглөө. Уг олимпд өвлийн спортын есөн төрлөөр 107 орны 300 орчим тамирчид өрсөлдөх бөгөөд 1,100 дасгалжуулагчаас гадна сайн дурын 3,000 ажилтан, 1,200 хүндэт зочид, гэр бүлийн 5,000 гишүүд дэмжигчид, улс орнуудын парламент, засгийн газрын 800 орчим төлөөлөл оролцох юм.
НИЙТ ТАМИРЧДАДАА АМЖИЛТ ХҮСЬЕ!
Өнгөрсөн Баасан гарагт “Entrepreneur-2016” арга хэмжээний үеэр “Оны онцлох аж ахуй нэгж” -ээр шалгарсан байгууллагууд МҮХАҮТ-ын гадна тугаа ёслол төгөлдөр мандууллаа.
Манай компани энэхүү шалгаруулалтаас Цэвэр үйлдвэрлэлийн менежмент нэвтрүүлэгч “Greenpreneur” шагналыг мөн гардан авсан билээ.
Монголын Үндэсний Худалдаа Аж Үйлдвэрийн Танхимаас 20 дахь жилдээ зохион байгуулж буй Монгол Улсын нийгэм, эдийн засгийн хөгжилд бодитой хувь нэмэр оруулж байгаа шилдэг аж ахуй нэгж, байгууллага, бизнес эрхлэгчдийг шалгаруулан өргөмжилдөг “ENTREPRENEUR-2016” арга хэмжээ 12-р сарын 22-ны өдөр болж манай компани “ОНЫ ОНЦЛОХ АЖ АХУЙ НЭГЖ”, ЦЭВЭР ҮЙЛДВЭРЛЭЛИЙН МЕНЕЖМЕНТ НЭВТРҮҮЛЭГЧ “GREENPRENEUR-2016” шагналуудыг гардан авлаа.
Кока-Кола брэнд хэрэглэгч та бүхэндээ ээлжит бэлгээ задалж байна. Бид “Share a Coke 2” хөтөлбөрийнхөө хүрээнд Монгол Улсад түгээмэл байдаг 19 нэрийг бүтээгдэхүүнийхээ шошгонд хэвлэж, таны нэр дэлхийн брэндтэй хамт байх гайхалтай сайхан боломжийг олгож байна.
Гэр бүл, найз нөхөдтэйгөө өөрсдийнх нь нэртэй ундааг хуваалцаж бэлэг бариарай! Уг хөтөлбөр маань 11-р сарын 30-ны өдрийг дуустал үргэлжилнэ.
Дэлгэрэнгүй мэдээллийг https://www.facebook.com/CocaColaMongolia/ хуудсаас үзнэ үү.
Их хотын хүүхэд залуусын чөлөөт цагаа өнгөрөөх дуртай газруудын нэг бол “М-Си-Эс Кока-Кола” компанийн “HAPPINESS CENTER” төв билээ.
Aз жаргалыг түгээгч “HAPPINESS CENTER” төв маань эрхэм хэрэглэгчдийнхээ өмнө 2012 оноос эхлэн үүд хаалгаа нээн ажиллаж байгаа бөгөөд оюутан залуустаа илүү ойртож МУБИС-ийн зүүн урд талд байрлах шинэхэн байрандаа нүүн орж албан ёсоор үйл ажиллагаагаа явуулж эхэллээ. Тус төв нь М-Си-Эс Кока-Кола компанийн шинээр хэрэгжүүлж буй хөтөлбөрт хамрагдах, хэрэглэгчдийн ая тухтай байдлыг анхааран, хамрагдсан хөтөлбөрийнхөө шагнал урамшууллаа хүлээн авахад ойр дөт болгох, Кока-Кола Компани болон түүний брэндийн талаар хамгийн сүүлийн үеийн мэдээллийг хамгийн түргэн хугацаанд хүргэх зорилготой төдийгүй хүүхэд, оюутан залууст зориулсан, чөлөөт цагаа зөв боловсон өнгөрүүлэх таатай орчин юм.
“HAPPINESS CENTER” төв хүүхэд, залуус та бүхэндээ зориулж үнэ төлбөргүй “Wi-Fi” орчин, “Х-BOX” тоглоом, лекц семинар зохион байгуулах танхим, найз нөхөдтэйгөө ярилцаж суух таатай орчин, зураг авахуулах зэрэг олон сонирхолтой булан хүлээж байгаа бөгөөд хүссэн номоо унших, хичээлээ давтах боломжтой номын булан, өөрийн авьяас чадвараа хөгжүүлж бэлтгэл сургуулилтаа хийх, бүр тоглолт ч хийх боломжтой тайз, тоног төхөөрөмж бэлтгэлээ. Хүчин чадлын хувьд нэг удаадаа нийт 80 хүний үйл ажиллагаа зохион байгуулах боломжтой учир найзуудтайгаа, анги хамт олонтойгоо ирж чөлөөт цагаа таатай өнгөрүүлэх тав тухтай орчныг бүрэн бүрдүүлсэн гэж итгэж байна.
ТА БҮХНИЙГ АЗ ЖАРГАЛЫН ТӨВДӨӨ ХҮРЭЛЦЭН ИРЭХИЙГ УРЬЖ БАЙНА.
