Монгол улсын Ерөнхийлөгчийн санаачилгаар зохион байгуулж буй Цэнхэр алт үндэсний хоёрдугаар чуулганаар М-Си-Эс Кока-Кола компанид “УСНЫ ЭЛЧ” шагнал олголоо.
Бид бүх үйл ажиллагаандаа 3R буюу Бууруулах, Дахин боловсруулах, Дахин ашиглах зарчмыг баримталдаг. Усны үр ашигтай хэрэглээг дээшлүүлэх хөтөлбөрийн хүрээнд 2010 оноос үйлдвэрлэлийн бүхий л явцад ашигласан усаа 99 хувь цэвэрлэж, дахин ашиглаж эхэлсэн. Энэхүү ус нь загас амьдарч болохуйц түвшинд хүртэл цэвэршсэн байдаг бөгөөд ундны уснаас бусад зориулалтаар зам талбайн цэвэрлэгээ, ногоон байгууламжийн усалгаа зэрэгт ашиглаж байна. Түүнчлэн өнгөрөгч оны сүүлээр Амгалан дулааны станц ТӨХК-ийн өргөтгөлийн нэмэлт ус хангамжид үйлдвэрийн цэвэршүүлсэн усыг ашиглах тухай санамж бичгийг өнгөрөгч онд байгуулаад буй юм.
Үйлдвэрийн хаягдал ус цэвэршүүлэх байгууламж нь жилд 180 мянган тн ус цэвэршүүлэх хүчин чадалтай. Харин өнгөрсөн онд 9912 тн усыг зам талбайн цэвэрлэгээ, ногоон байгууламжийн усалгаа зэрэгт дахин ашиглаж, гүний усыг хамгаалах үйлсэд хувь нэмрээ оруулаад байна. Дашрамд дурдахад үйлдвэрийн цэвэршүүлсэн хаягдал усыг хэрэглэгчид үнэ төлбөргүй авч хэрэглэх боломжтой билээ.