Ангилал: Та үүнийг мэдэх үү?

Дэлхий даяар 6000 гаруй нэр төрлийн хүнсний бүтээгдэхүүнд чихэрлэг амт оруулагч ашигладгийг та мэдэх үү?

Чихэрлэг амт оруулагч нь хоол хүнсэнд таатай амт оруулах зорилгоор бүтээгдсэн илчлэг агуулдаггүй, калоригүй хүнсний бүрдэл юм. Эдгээрийн дотроос манай бүтээгдэхүүнүүд стевиа, эритритол зэрэг байгалийн гаралтай түүхий эдээс гаргаж авсан найрлагыг өргөн хэрэглэдэг. Эдгээр найрлагууд нь элсэн чихрийн амтыг хадгалсан боловч илчлэггүй, цусан дахь сахарын түвшинд нөлөөлдөггүй онцлогтой.

Орц найрлага:

Илчлэгийн талаарх мэдээлэл:

Тухайлбал, OOHA бүтээгдэхүүнд агуулагдах “эритритол” грамм тутамдаа 0.2 ккал агуулдаг нь энгийн сахарын 4 ккал-тай харьцуулахад 20 дахин бага хэмжээ юм. Эритритолын ихэнх хувь нь нарийн гэдсээр шимэгддэг ч хүний биеийн энерги үүсгэх гинжин хэлхээнд оролцдоггүй. Өөрөөр хэлбэл, хоол боловсруулах замаар шингэж, задрахгүйгээр бүхэл хэлбэрээр шээсээр гадагшилдаг тул цусан дах сахарын түвшинд нөлөөлдөггүй.

Эдгээр шинж чанарын үндсэн дээр OOHA брэндийн бүх төрлийн бүтээгдэхүүн нь илчлэггүй буюу “0 калори” хэмээн шошгологдсон байдаг. Бүтээгдэхүүний шошгон дээрх тэмдэглэгээг АНУ-ын Хүнс, Эмийн Захиргаа (FDA), Европын Холбоо болон CODEX-ын стандартаас иш татсан Монгол улсад мөрдөгдөж буй шошгололтын стандартын дагуу хянаж, баталгаажуулдаг. Иймд OOHA брэндийн бүх амт, төрөл нь хэрэглэгчдэд илчлэггүй, эрүүл сонголтыг санал болгож байна.

Бидний өдөр тутамдаа хэрэглэдэг бүтээгдэхүүний шошгон дээр маш их мэдээлэл агуулагддаг боловч ихэнх хүмүүс анзаарахгүй өнгөрдөг. Тиймээс бид та бүхэнд зориулан шошгоны мэдээллийг хэрхэн зөв унших талаар шинэчлэгдсэн Sprite брэндийн шошгыг жишээ болгон тайлбар зөвлөгөө бэлтгэлээ.

Илчлэгийн талаарх мэдээлэл:

Шошгоны урд хэсэгт 100 мл-т агуулагдах илчлэгийн хэмжээг харуулдаг. Sprite бүтээгдэхүүний 100 мл тутамд 20 ккал буюу Монгол хүний илчлэгийн хоногийн хэрэгцээний ердөө 1%-ийг агуулсан юм. Өөрөөр хэлбэл та 500 мл савлагаатай бүтээгдэхүүнийг хэрэглэхэд 100 ккал буюу илчлэгийн хоногийн хэрэгцээний 4%-ийг энэхүү бүтээгдэхүүнээс авах юм.

Монгол хүний жишсэн дундаж илчлэгийн хэрэгцээ хоногт 2400 ккал байдаг байна. (Эрх зүйн нэгдсэн мэдээллийн систем)

Харин шошгоны хойд хэсэгт байрлах (MSN 0687-3-2015) гэдэг нь хийжүүлсэн ундааны Монгол Улсын үндэсний стандартын дагуу үйлдвэрлэсэн гэдгийг илтгэнэ. Уг стандарттай дэлгэрэнгүй танилцахыг хүсвэл энд дарна уу.

Орц найрлага:

Бүтээгдэхүүний орц найрлагыг жин буурах дарааллаар буюу ихээс нь бага руу жагсааж бичдэг. Sprite брэндийн шошгоны хойд хэсэгт байрлах найрлагын хэсгийг харвал: ус, сахар, хийжүүлэгч, хүчиллэг зохицуулагч, нөөшлөгч, чихэрлэг амт оруулагч болон амт үнэр оруулагчид гэсэн дарааллаар бичигдсэн байна.

Дээрх мэдээллээс харахад 500мл Sprite бүтээгдэхүүний 95% буюу 475 мл нь ус, 25 мл нь нүүрс ус юм. Үлдсэн 5%-ийг дотор нь задалбал: 100ккал илчлэг, 24.5 мл нүүрс ус, 24.5 гр сахар, 0 гр уураг, 0 гр өөх тос болон 85 мг натри ордог байна.

Иймээс та Sprite ундааг уухдаа тааламжтайгаар цангаагаа тайлан шингэний хэрэгцээгээ нөхөх боломжтой.

Савалгаа:

М-Си-Эс Кока-Кола ХХК-ийн зүгээс та бүхэнд бүтээгдэхүүний олон төрлийн савлагааг санал болгодог бөгөөд та өөрийн илчлэгийн хэрэгцээнд тохирох савлагааг сонгож хэрэглээрэй.

Мөн бид илчлэгтэй Sprite-ийн хажуугаар илчлэггүйг мөн үйлдвэрлэдэг. Тэнцвэртэй хэрэглээг хангахын тулд сонгосон бүтээгдэхүүнийхээ илчлэгийн хэмжээг тооцоолж хэрэглээрэй.

Байгаль орчин:

Дашрамд дурдахад Sprite брэнд савлагааны ногоон өнгөө тунгалаг болгосноор хуванцрыг дахин боловсруулах процесст үнэтэй хувь нэмэр оруулсан юм. Өнгө төрхөө өөрчилсөн ч бидний уух дуртай Sprite ундааны амт өөрчлөгдөөгүй яг л анхных шигээ нимбэгний час хийсэн амтыг танд мэдрүүлсээр байна

Хүний амьдралын хэмнэл өөрчлөгдөхийн хэрээр бид бүхэн хоол хүнсээрээ дамжуулан авч буй чихэр, илчлэгийн хэмжээг зөв тооцоолж хэрэглээгээ илүү ухаалгаар зохицуулах шаардлага үүсэж байна.

Тиймээс найдвартай эх сурвалжаас мэдээлэл авч өөрсдийн хэрэглээгээ тооцох нь чухал юм. Бид бүхэн сахарын зохистой хэрэглээг хэрхэн тооцох, аль эх сурвалжаас мэдээлэл авах тухай зөвлөмж бэлдсэнээ хүргэж байна.

Хамгийн эхэнд бид бүхэн Дэлхийн Эрүүл Мэндийн Байгууллага (ДЭМБ)-ын зөвлөгөөг харах хэрэгтэй. ДЭМБ-аас хүүхэд болон насанд хүрэгчдэд илчлэгийн хоногийн хэрэгцээнийхээ арваас ихгүй хувийг сахараас авахыг зөвлөдөг байна.

Тэгвэл Монгол хүний илчлэгийн хоногийн хэрэгцээг хэрхэн тооцох талаар авч үзье. Эрүүл мэндийн сайдын 2017 оны А/74 дүгээр тушаалын 4 дүгээр хавсралтад жишсэн дундаж хүний илчлэг, шимт бодисын хоногийн зөвлөмж хэмжээг хангах хүнсний бүтээгдэхүүний жишиг хэмжээг тогтоожээ.

Дээрх зөвлөмжийн дагуу Монгол хүний жишсэн дундаж илчлэгийн хэмжээний 10% буюу ДЭМБ-ын зөвлөмжийн дагуу өдрийн илчлэгийнхээ 10% хүртэлх хэмжээгээр сахар хэрэглэнэ гэвэл та өдөрт сахараас 240 ккал авч болох юм.

Бидний өдөр тутамдаа хэрэглэдэг нэг жижиг цайны халбага сахар нь 4 грам буюу 16 ккал болдог байна.

Дээрх зөвлөмжүүдийн хүрээнд та бүхэн өөрийн хэрэглэж буй хүнснийхээ өдрийн илчлэг болоод сахарын хэмжээг зөв тооцоолж хэрэглэх нь чухал. 

М-Си-Эс Кока-Кола ХХК-ийн бүтээгдэхүүнийг хэрэглэхдээ шошгон дээрх мэдээллийг нягтлан өөрт тохирсон илчлэгийн агууламжтай бүтээгдэхүүнийг сонгон хэрэглээрэй. 

Хүмүүс өдөр тутамдаа Кофейнийг маш олон төрлийн бүтээгдэхүүнээр дамжуулан хэрэглэдэг. Мэдээж хэрэг Кока-Кола ундааг цор ганц, гайхалтай амттай болгодог орц найрлагын нэг нь кофейн юм. 
Харин одоо кофейний зохистой хэрэглээний талаар ярилцъя. Хүний хоногт хэрэглэх кофейний зохистой хэмжээг АНУ-ын хоол хүнсний холбооноос өгсөн зөвлөмжид 400 мг гэж тогтоосон байдаг.

Дээр дурдсанчлан кофейнийг хүн кофе, ногоон цай, шоколад зэрэг олон төрлийн бүтээгдэхүүнээс авч хэрэглэдэг. АНУ-ын хоол хүнсний холбооноос өгсөн зөвлөмж болох 400 мг кофейнийг энгийнээр тайлбарлавал  хоногт 4-5 аяга кофе уух эсвэл 20 хэсэг хар шоколад идсэнтэй тэнцүү юм. 

Харин 200 мл Кока-Кола ундаанд 19,2 мг кофейн агуулагддаг нь АНУ-ын хоол хүнсний холбооны дээрх зөвлөмжөөс даруй 20 дахин бага байдаг. Тиймээс та бүхэн өөрийн хэрэглэж буй хүнсний бүтээгдэхүүнээс авч буй кофейний хэмжээгээ зөв тооцоолж хэрэглээрэй. Манай бүтээгдэхүүний шошгон дээрх мэдээллээс тухайн бүтээгдэхүүний орц найрлагын талаар дэлгэрэнгүй танилцахыг бид танд зөвлөж байна. 

Бүтээгдэхүүний шошгыг хэрхэн унших талаар бидний өмнөх мэдээлэлтэй танилцахыг хүсвэл энд дарна уу.

Эрхэм хэрэглэгч та бүхэндээ зориулан манай бүтээгдэхүүнээс авах илчлэгийн хэмжээг тооцоход хялбар байх үүднээс бид олон төрлийн бүтээгдэхүүнээ жижиг савлагаатайгаар худалдаанд гаргаад байгаа билээ. Мэдээж хэрэг бид та бүхний хүсэл шаардлагад нийцсэн бүтээгдэхүүн үйлдвэрлэж байгаадаа итгэлтэй байдаг. 

Жижигрүүлсэн савлагаатай бүтээгдэхүүн нь авч явахад хөнгөхөн бөгөөд та илчлэгээ хялбархан тооцох боломжтой. 

Дэлхий даяар 6000 гаруй нэр төрлийн хүнсний бүтээгдэхүүнд сахар орлуулагч ашигладгийг та мэдэх үү?

Сахар орлуулагч нь хоол хүнсэнд таатай амт оруулах зорилгоор бүтээгдсэн энгийн сахраас ч илүү чихэрлэг амттай, илчлэг агуулдаггүй  хүнсний бүрдэл юм. 

Харин одоо маш түгээмэл хэрэглэгддэг сахар орлуулагчийн нэг аспартамийн тухай ярилцацгаая. Найрлагын хувьд аспартам нь аспартамийн хүчил болон фенилалин гэсэн 2 АМИН хүчлээс бүрддэг. 

Сүүлийн 30 гаруй жилийн турш дэлхий даяар аспартамийг амттан, оргилуун ундаа, тараг, бохь, чихэр болон сахарын агууламжгүй ханиадны дусаалга гэх мэт 6000 гаруй төрлийн хүнс, ундааны бүтээгдэхүүнд ашиглаж байгаа юм. Ийм ч учраас аспартамийг маш өргөн хүрээнд судалсан байдаг байна. Эдгээр олон жилийн судалгааны үр дүнд аспартамийг хүний биед ямар нэг сөрөг нөлөөгүй  гэдгийг олон тооны судалгааны ажил баталсаар байгаа юм. 

Сахар орлуулагч аспартамийн зохистой хэмжээ:
Хоногт хэрэглэх аспартамийн зохистой хэмжээг тухайн хүний биеийн жинд тулгуурлан тооцдог. Хүний биеийн жингийн 1 кг тутамд 50 мг аспартам хэрэглэж болдог гэж заажээ. Жишээ болгож бяцхан бодлого бодоцгооё.

Хэрэв 70 кг жинтэй хүн байна гэж үзвэл тухайн хүний хоногт хэрэглэж болох аспартамийн хэмжээ нь доорх байдлаар бодогдоно. 

(​Биеийн жин кг-аар) X (50 мг) = зохистой хэрэглээ 70 х 50 = 3500 мг буюу 3.5 гр

Дээрх бодолтоос үзэхэд 70 кг жинтэй хүний хувьд 3.5 гр аспартам хэрэглэх нь хэвийн гэсэн үг юм. 

Аспартамийн өргөн хэрэглээ:
Аспартамийг сахарын зохицуулалттай хоол хүнс хэрэглэдэг хүмүүс өргөнөөр ашигладаг. Манай зүгээс эдгээр хүмүүст зориулсан Coca-Cola Zero, Coca-Cola Plus, Sprite Zero, Sprite Plus зэрэг олон төрлийн бүтээгдэхүүнийг үйлдвэрлэдэг. 

Кока-Кола компанийн 1993 онд дэлхий даяар хэрэгжүүлсэн “Үргэлж Кока-Кола” кампанит ажлын хүрээнд хийгдсэн “Хойд туйлын туяа” телевизийн рекламдаа анх удаа цагаан баавгайг гол дүр болгон оруулжээ.

Кока-Кола компанийн захиалгаар зураач Хэддон Сандблом зул сарын баярын сурталчилгаанд зориулсан Санта Клаусыг улаан өнгийн хувцастай, өтгөн цагаан сахалтай, махлаг өвгөний дүрээр зурсан нь орчин үеийн Санта Клаусын гол дүрслэл болсон байна.

1982 онд Кока-Кола компани анхны илчлэггүй, чихэрлэг амт оруулагчтай ундааг зах зээлд нэвтрүүлж байсан бол 2005 онд гаргасан Кока-Кола Зеро ундаа нь 2 жилийн дотор буюу 2007 он гэхэд 1 тэрбум ам.долларын үнэ цэнэ бүхий брэндийн жагсаалтад бичигдсэн юм.

 

Кока-Кола Зеро ундаа нь танд жинхэнэ Кока-Колагийн амтаараа гайхамшигт эрч хүчийг мэдрүүлэхээс гадна элсэн чихэр агуулаагүйгээрээ онцлог юм.