Ангилал: Компани

МҮХАҮТ-аас Монгол Улсын нийгэм, эдийн засгийн хөгжилд бодит хувь нэмрээ оруулж буй оны онцлох аж ахуйн нэгжийг шалгаруулдаг “ENTREPRENEUR-2022” арга хэмжээнээс М-Си-Эс Кока-Кола компани дараах гурван төрлийн шагнал хүртлээ.

Оны шилдэг 10 ААН-ийн нэг

Компанийн нийгмийн хариуцлагыг хэрэгжүүлэгч Энтрепренер

Тогтвортой үйлдвэрлэлийн менежмент нэвтрүүлэгч Энтрепренер

Өнгөрч буй 2022 онд М-Си-Эс Кока-Кола компани 60 орчим төрлийн үйл ажиллагаанд ивээн тэтгэх, хамтран зохион байгуулах хэлбэрээр оролцсон байна.

Тухайлбал, спортын төрөлд  “Улаанбаатар Марафон 2022” олон улсын гүйлтийн арга хэмжээ, “Sprite 3×3” тэмцээн, “Jig Jug” цахим спортын наадам, “FIBA Asia Cup – 2025” Ази тивийн АШТ-ий урьдчилсан шатны тоглолт зэрэг тэмцээн, уралдааныг амжилттай зохион байгуулагдахад дэмжлэг үзүүлсэн юм.

Энэ жилээс эхлүүлсэн “Хог хаягдалгүй дэлхий” санаачилгын хүрээнд олон нийтийг хогоо ангилан хаяж, эх дэлхийгээ хайрлах үйлсэд уриалж буй билээ. Энэ хүрээнд “Playtime” амьд хөгжмийн наадмын 20 дахь жилд стратегийн түншээр хамтран ажиллаж, “Хуванцрын Хаягдалгүй Наадъя” уриалга дэвшүүлж Үндэсний их баяр наадмаар энэхүү нөлөөллийн ажлыг үргэлжлүүлсэн байна.

ТОГТВОРТОЙ ХӨГЖЛИЙН БОДЛОГЫГ БИЗНЕСИЙН БОДЛОГОТОЙ УЯЛДУУЛЖ САХАРЫН ХЭМЖЭЭГ ҮЕ ШАТТАЙГААР БУУРУУЛЖ БАЙНА

Хэрэглэгчдэд санал болгож буй илчлэг багатай ундааны сонголтыг нэмэгдүүлэхээр сахар бууруулах төслийг үе шаттай хэрэгжүүлж байна. 2022 онд “Fanta Peach” буюу тоорын амттай ундааны гурван төрлийн савлагааны элсэн чихрийн агууламжийг бууруулсан. Ингэснээр нийт үйлдвэрлэн борлуулж буй бүтээгдэхүүний 51.6% нь илчлэггүй буюу бага илчлэгтэй болсон.

Байгаль орчин, нийгэм, засаглалын чиглэлд авч хэрэгжүүлж буй ажлуудтай холбоотой тоо баримт:

• Байгальд ээлтэй, утаагүй уурын зуухны тусламжтайгаар 4800 орчим кг хүлэмжийн хий ялгаруулахаас сэргийлсэн
• Усны үр ашиггүй хэрэглээг бууруулах хөтөлбөрийн дүнд сүүлийн 10 жилд усны хэрэглээг 30 хувиар бууруулсан
• Үйл ажиллагаанаас гарсан нийт хог хаягдлын 50 гаруй хувийг дахин боловсруулах үйлдвэрүүдэд хүлээлгэн өгсөн
• Үйлдвэрийн процессод ашигласан усыг цэвэршүүлэн, 11 мянган тн усыг зам талбайн цэвэрлэгээ, ногоон байгууламжийн тохижилтод зориулж, нэр бүхий таван байгууллагад үнэ төлбөргүй хэрэглүүлж байна.

Үйлдвэрийн цэвэршүүлсэн усаар “Тэрбум мод” усалж байна.

Монгол улсын Ерөнхийлөгчийн санаачилгаар  “Тэрбум мод” үндэсний хөдөлгөөний хүрээнд 10 дугаар сард Богдхан уулын зургаан ам буюу Баруун залаат орчимд 35 мянган мод суулгаж буй билээ. Эдгээр шинээр суулгасан модыг М-Си-Эс Кока-Кола компанийн үйлдвэрийн цэвэршүүлсэн усаар усалж байна.

М-Си-Эс Кока-Кола компани үйлдвэрийн хаягдал ус цэвэршүүлэх байгууламжийг 2010 онд Монголын хүнсний үйлдвэрүүд дундаас анхлан байгуулж байжээ. Үйлдвэрийн технологийн процессод ашигласан бүхий л усыг 99 хувь цэвэршүүлэх хүчин чадалтай уг байгууламжийн цэвэршүүлсэн ус нь:

• MNS 4943 : 2015 стандарт буюу “Хүрээлэн буй орчинд нийлүүлэх усны чанарын шаардлага”
• MNS 6734 : 2018 стандарт буюу “Дахин ашиглах цэвэрлэсэн ус, техникийн ерөнхий шаардлага” -ыг бүрэн хангасан аж.

Байгаль орчин, аялал жуулчлалын сайд Б.Бат-Эрдэнэ:

“Тэрбум мод” үндэсний хөдөлгөөний хүрээнд тарьж ургуулж байгаа модыг эдийн засгийн үр өгөөжтэй байлгах зорилгоор  ундны усаар услахаас илүүтэй саарал ус, хөв цөөрмийн усаар услах бодлогыг төрийн зүгээс баримталж байна. Үйлдвэрлэлд ашигласан усаа ийнхүү цэвэршүүлж буй байгууллагуудад эдийн засгийн хөшүүрэг хэрэгтэй байгаа. Тухайлбал, усны төлбөрөөс чөлөөлөх гэх мэт эрхзүйн орчныг бүрдүүлэх дээр анхаарч ажиллахаар төлөвлөж байна.

Ойн агентлагийн дарга Б.Оюунсанаа: Богдхан уулын 6 аманд намрын цэнэг усалгааг ийнхүү хийгээд хавар цас хайлах үед цэнэг усалгааг дахин хийнэ. Их бохирдолтой л биш бол мод усыг голдоггүй. Харин М-Си-Эс Кока-Кола компанийн энэхүү цэвэршүүлсэн ус нь ундны уснаас бусад зориулалтаар ашиглаж болохуйц стандартын шаардлага хангасан байдаг. Тиймээс мод услахад бүрэн тохиромжтой гэж бид үзэж байгаа.

М-Си-Эс Кока-Кола компанийн “Хуванцрын Хаягдалгүй Дэлхий” хөтөлбөрт НҮБ-ын “Тогтвортой Хөгжлийн Манлайлагч” шагналыг олголоо. М-Си-Эс Кока-Кола компанийн санаачилга, Ти Эм Эл компанийн хөрөнгө оруулалтаар Монголд анх удаа дэлхийн жишигт нийцсэн Хуванцар сав дахин боловсруулах үйлдвэр ашиглалтад ороод буй билээ.

Ингэснээр М-Си-Эс Кока-Кола компани дахин боловсруулсан хуванцар сав ашиглах Монголын анхны компани болох зорилт биелэх боломж бүрдээд байна.

“Хуванцрын Хаягдалгүй Дэлхий” хөтөлбөрөөр дамжуулж  тус компани НҮБ-ын Хариуцлагатай хэрэглээг дэмжих, Уур амьсгалын өөрчлөлтийн үр нөлөөг багасгах Тогтвортой хөгжлийн зорилт болон Монгол улсын Засгийн Газрын “Алсын хараа-2050” Урт хугацааны хөгжлийн бодлогын Ногоон хөгжлийн зорилтыг биелүүлэхэд ийнхүү хувь нэмрээ оруулж байна.

Улс орон даяар хэрэгжүүлж буй “Хуванцрын Хаягдалгүй Дэлхий” санаачилгад нэгдэж, эх дэлхийгээ хайрлан хамгаалахыг уриалж байна.

“М-Си-Эс Кока-Кола” компани нийгмийн хариуцлагын хүрээнд 2030 он гэхэд борлуулсан ундааны бүх саваа дахин боловсруулах зорилт тавьснаа зарлалаа. Энэ хүрээнд “Хуванцрын Хаягдалгүй Дэлхий” кампанит ажлыг эхлүүлж, олон нийтийг хуванцар саваа ангилан хаяхад уриалж байна.

“Кока-Кола” компани дэлхийн 200 гаруй оронд нэгэн нэрийн дор үйлдвэрлэл эрхэлж буй компаниудад борлуулсан ундаа бүрийн тоотой тэнцүү хэмжээний хуванцар савыг дахин боловсруулахад анхаарах тухай санаачилгыг 2018 оноос хойш дэвшүүлсэн.

Байгаль орчин, нийгмийн ач холбогдолтой энэхүү ажилд “М-Си-Эс Кока-Кола” компани идэвх санаачилгатайгаар нэгдэн оролцож, Монгол улсад анх удаа хуванцар сав дахин боловсруулах төсөл эхлүүлсэн байдаг. Үүний үр дүнд “М-Си-Эс Кока-Кола” компанийн хуванцар сав дахин боловсруулах “TML” үйлдвэр өнгөрсөн онд ашиглалтад орж, үйл ажиллагаа явуулж эхлээд байна.

Манай улсад жилдээ 18 мянган тн хуванцар сав хэрэглэгддэг. Тэгвэл жилд 20 мянган тн хуванцар сав дахин боловсруулах хүчин чадалтай “TML” үйлдвэрт нэг хуванцар савыг дунджаар 5 удаа дахин боловсруулж, ашиглах боломж бүрдэх юм.

Жил бүр уламжлал болгон зохион байгуулдаг “Улаанбаатар Марафон” олон улсын гүйлтэд “М-Си-Эс Кока-Кола” компанийн 80 орчим ажилтан амжилттай оролцлоо.

Гүйлтийн спорт, нийтийн биеийн тамирыг хөгжүүлэх зорилготой “Улаанбаатар Марафон”-д алба хэлтэс, байгууллагын сайн дурын зөвлөлийн баг бүрэлдэхүүнээр идэвхтэй оролцсоноос гадна гэр бүлийн хамт гүйсэн юм.

“М-Си-Эс Кока-Кола” компани нь эрүүл, аюулгүй ажиллах орчин бүрдүүлж, ажилтнуудынхаа эрүүл, спортлог дүр төрхийг дэмжих бодлого хэрэгжүүлдэг. Тиймээс энэ удаагийн үйл ажиллагаанд идэвхтэй оролцож буй ажилтнуудыг дэмжихээр “Bonaqua” асарт хамт олноороо цугларч, хамтдаа өглөөний цай ууж, бие халаах дасгал хийж, хөгжөөнт тоглоом тоглож, дурсгалын зураг татуулах үйл ажиллагаа зохион байгуулсан юм.

Гүйлтээр хичээллэгч, сонирхогч олон мянган иргэн оролцдог тус үйл ажиллагааг “М-Си-Эс Кока-Кола” компани “Bonaqua” усны брэндээр ивээн тэтгэж буй билээ.

   “Газрын доорх ус” уриан дор тэмдэглэн өнгөрүүлж буй Дэлхийн усны өдрийг тохиолдуулан М-Си-Эс Кока-Кола ХХК үйлдвэрийн хаягдал усыг хэрхэн цэвэршүүлж, дахин ашиглаж байгаа зураглалыг танилцуулж байна. Бид 2010 онд хаягдал ус цэвэршүүлэх байгууламжийг Монголын хүнсний үйлдвэрүүд дундаас анхлан байгуулж байсан билээ.

​Тэр цагаас хойш өдөр бүр технологийн процесст ашигласан усыг MRB технологиор цэвэршүүлсээр байна. Энэхүү ус нь ногоон байгууламжийн усалгаа, машин угаалга, бетон бэлтгэх, түймэр унтраах, хог хаягдал дахин боловсруулах үйлдвэрт ашиглаж болохуйц стандарт (MNS6734:2018)-ыг хангасан билээ. Тиймээс ундны усны эх үүсвэрээ хамгаалах хүсэлтэй байгууллагуудыг М-Си-Эс Кока-Кола ХХК-ийн цэвэршүүлсэн усны хэрэглэгч болохыг уриалж байна.

Монгол Улсын нийгэм, эдийн засгийн хөгжилд бодитой хувь нэмэр оруулж буй шилдэг, оны онцлох аж ахуйн нэгж, байгууллагууд, бизнес эрхлэгчдийг МҮХҮАТ-аас шалгаруулан өргөмжилдөг “Энтрепренер” шалгаруулалт зохион байгуулагдлаа.

М-Си-Эс Кока-Кола компани “Оны онцлох аж ахуйн нэгж” болон “Тогтвортой үйлдвэрлэлийн менежмент нэвтрүүлэгч Энтрепренер” байгууллагаар тус тус шалгарлаа.

• 2020-2021 онд Монгол Улсад анх удаа хаягдал хуванцар савыг дахин боловсруулах үйлдвэрийн төслийг хэрэгжүүлж, 2030 он гэхэд хаягдал хуванцар саваа 100 хувь дахин боловсруулах, сав баглаа боодлынхоо жинг бууруулах зорилттой ажиллаж байна.
• Түүнчлэн түүхий нүүрс шатаадаг технологийг бүрэн халж, хийн түлшээр ажилладаг уурын зуухыг М-Си-Эс Интернейшнл компанитай хамтран ашиглалтад оруулан нийгэм, байгаль орчиндоо ээлтэй бизнес эрхлэх цогц хөтөлбөрөө хэрэгжүүлэн ажиллаж байна.

Монгол Улсын Засгийн газар, МҮХАҮТ хамтран 2020 онд улс орныхоо нийгэм, эдийн засгийн хөгжилд бодитой хувь нэмэр оруулж буй ТОП 100 аж ахуй нэгжийг шалгаруулан өргөмжиллөө. Сүүлийн 5 жилийн турш тасралтгүй ТОП 100 аж ахуй нэгжийн эхний 30 д багтдаг байсан бол 2020 онд 23 т эрэмблэгдэн амжилтаа ахиуллаа.

Өнгөрсөн онд М-Си-Эс Кока-Кола ХХК нь эх орныхоо нэрийг дэлхийд таниулах, улсынхаа хөгжил дэвшилд бодит хувь нэмэр оруулах, татварын бааз суурийг нэмэгдүүлэх олон төсөл хөтөлбөрүүдийг хэрэгжүүлжээ. Эдгээрээс онцолбол:

• М-Си-Эс Кока-Кола ХХК 2006 оноос сагсан бөмбөгийн спортын хөгжлийг тасралтгүй дэмжин өнгөрсөн хугацаанд 3,6 тэрбум төгрөгийн хөрөнгө оруулалтыг сагсан бөмбөгийн спортод оруулжээ.
• 2018 онд 3×3 сагсан бөмбөгийн түүхэнд эх орныхоо нэрийг гаргаж, багийн спортын түүхэнд цоо шинэ хуудас нээсэн үндэсний шигшээ багийн хамт олныг 20 сая төгрөгөөр урамшуулж, Монголын 3х3 сагсан бөмбөгийн баг Азийн аварга, Дэлхийн аваргын шилдэг найман багийн нэг хэмээх хүндтэй алдрыг хүртэхэд тулгуур болж баг тамирчид ТОКИО-2020 олимпод оролцох эрхийн төлөө өрсөлдөж байна.

ТОП 100 ААН-ийг өнгөрсөн жилүүдэд компанийн төлсөн татвар, борлуулалтын орлого, ажиллагсдын тоо, ашиг, хөрөнгийн хэмжээ гэсэн үзүүлэлтээр шалгаруулдаг байсан бол энэ жилээс дээрх үзүүлэлтээс гадна компанийн нийгмийн хариуцлагыг харгалзан үзэж эхэлжээ.

М-Си-Эс Кока-Кола ХХК нь байгуулагдсан цагаасаа хойш нийгмийн хариуцлагыг хэрэгжүүлсээр ирсэн бөгөөд нийгмийн сайн сайхны төлөөх олон нийтийг хамарсан санал санаачилга түүнийг хэрэгжүүлэх хандив, ивээн тэтгэлэг нь байгаль орчиндоо ээлтэй, хүн нийгэмдээ үр өгөөжтэй байхыг чухалчилж үздэг.

• 2020 онд Ковид-19 цар тахлын тэргүүн эгнээнд ажиллаж буй ОБЕГ, ЭМЯ -нд 100 гаруй сая төгрөгийн хандив өргөн дэмжиж ажилласан.
• 2020 онд түүхий нүүрсний хэрэглээг 100% халсан хийн зуухыг ашиглалтад оруулж жилд 7000 тн нүүрсний хэрэглээг халсан.
• Байгалийн тусгай хамгаалалттай газрын захиргаануудад цэвэр усны нөөцийг хамгаалах, байгалийн бохирдлыг бууруулах хог хаягдлын менежментийг сайжруулах зорилгоор байгальд ээлтэй, био хогны уутыг жил бүр үнэ төлбөргүй олгож байна. Мөн оюутан залуучуудын боловсрол, нийгмийн эрүүл мэнд, нийгмийн эмзэг бүлгийг тасралтгүй дэмжин ажиллаж байна.

М-Си-Эс Кока-Кола компани Олон Улсын Олимпийн өдрөөр хүн төрөлхтний үнэт өв эрдэнэ болох олимпийн соёл, боловсрол, түүхэн хуудсыг залуу хойч үедээ онцлон үзүүлэхээр Олипийн хороотой хамтран Олимпийн музейг 2021.06.23-ны өдөр нээлээ.

Олимпийн музей нь анх 2003 онд байгуулагдсан бөгөөд Олон улсын олимпийн музейн түнш, Азийн спортын музейн холбоо /ASMA/-ны гишүүнээр элсэж байсан ба одоогоор 500 гаруй нэр төрлийн түүхэн үнэт үзмэрүүдийг хадгалж байна.

Монгол Улс түүхэндээ анх удаа Олимпын наадамд багийн спортын төрлөөр оролцох бөгөөд 3х3 сагсан бөмбөгийн эмэгтэй баг тун удахгүй арлын Япон орныг зорих гэж байна. Улсдаа төдийгүй, дэлхийн хэмжээний тэмцээнд эх орноо төлөөлөн оролцох баг тамирчдын өнөөдрийн амжилт, олон мянган хөгжөөн дэмжигчдийн хүсэл тэмүүлэл М-Си-Эс Групптэй салшгүй холбоотой. М-Си-Эс Кока-Кола компани 3х3 сагсан бөмбөгийн спортод 2005 оноос хойш тасралтгүй, системтэй хөрөнгө оруулалт хийж, Олимпийн талбарт амжилт гаргахад түүчээлэн хөгжүүлсээр ирсэн юм.