Ангилал: Хөтөлбөр

Хөтөлбөр

Монгол Улсын Их Сургуульд хуванцар цуглуулах “RECYCLING CHAMPION” уралдааныг амжилттай зохион байгууллаа

Монгол Улсын Их Сургууль болон “М-Си-Эс Кока-Кола” компани хамтран олон талт хамтын ажиллагаа хэрэгжүүлэх санамж бичгийг өнгөрсөн онд байгуулсан. Энэ хүрээнд МУИС-ийн стратеги төлөвлөгөөнд тусгагдсаны дагуу багш, ажилтан, оюутнуудад хог хаягдлаа ангилж ялгах дадал хэвшил төлөвшүүлэх зорилготой “Recycling Champion” хуванцар цуглуулах уралдааныг амжилттай зохион байгууллаа.

М-Си-Эс Кока-Кола компанийн санаачилгаар хэрэгжсэн энэхүү уралдааныг Ти Эм Эл үйлдвэр болон МУИС-ийн холбогдох газар, нэгжтэй хамтран зохион байгуулсан бөгөөд уралдааны хүрээнд сар гаруйн хугацаанд хуванцар цуглуулжээ.

Хог хаягдлын менежментийг ахисан түвшинд нэвтрүүлэх, зөв дадал хэвшлийг түгээх зорилгоор Монгол улсын их сургуулийн хичээлийн байр бүрд хуванцар ангилах зориулалтын савыг байршуулсан байдаг.

Уралдааны хүрээнд сургуулийн зохион байгуулагч, үйлчилгээний ажилтан болон оюутны холбооны төлөөлөлд PET төрлийн хуванцрын хаягдлыг зөв ангилан ялгах талаар сургалтыг зохион байгуулж, улмаар нийт багш, оюутнуудад хуванцрыг дахин боловсруулахын ач холбогдлын талаар мэдээлэл өгсөн юм.

Түүнчлэн, хичээлийн байртаа цуглуулсан дахиврыг нэгтгэн дахин боловсруулах үйлдвэр рүү долоо хоног тутам тогтмол тээвэрлэх ачилтыг салбар сургууль тус бүрд нэвтрүүлснээр “Recycling Champion” уралдаанд оролцох оюутны идэвх нэмэгджээ.

Мөн уралдаанд оролцогчид өөрийн сургуульдаа хуванцрыг хэрхэн ангилдаг тухай бүтээлч рийл бүтээж, бусдадаа туршлагаасаа хуваалцсан байна.

Уралдаанд тус сургуулийн 8 салбар сургуулийн 16,000 гаруй багш, ажилтан, оюутан идэвх санаачилгатай, бүтээлчээр оролцож, нэг сарын хугацаанд 3,5 тонн хуванцар цуглуулж чаджээ. Ийнхүү зөв ангилж цуглуулсан сав нь Монголдоо 100% дахин боловсруулсан савлагаатай анхны брэнд болох “Bonaqua” усны савны түүхий эд болж, дахин боловсруулагдаж буй юм. Хуванцар савыг ийнхүү хүнсний зориулалттайгаар дахин боловсруулах нь анхдагч түүхий эдээр хуванцар сав үйлдвэрлэснээс хүлэмжийн хийн ялгарлыг 3700кг -аар бууруулж буй аж.

Энэ нь 61,334 гаруй ширхэг модны бүтэн өдрийн турш шингээхтэй дүйцэх хэмжээний нүүрсхүчлийн хийн ялгарлыг бууруулах үр нөлөөтэй юм.

Хуванцраа хэрхэн зөв ангилах вэ?

Сонирхуулахад, Эх дэлхийгээ хайрлах үйлсэд хувь нэмрээ оруулах хүсэлтэй хэн бүхэн “Ти Эм Эл Пластик” үйлдвэрийн цуглуулалтын албатай 7610-7711 дугаараар холбогдож, хуванцраа хүлээлгэн өгөөрэй.

ЗААВАР: Хуванцраа хэрхэн ангилах вэ?

Хөтөлбөр Онцлох мэдээ Мэдээ мэдээлэл

Монгол Улсын ууган их сургууль “Хуванцрын хаягдалгүй жишиг их сургууль” болно

“М-Си-Эс Кока-Кола” компани нь Монгол Улсын Их Сургуультай өнгөрсөн онд олон талт хамтын ажиллагаа хэрэгжүүлэх санамж бичиг байгуулсан. Уг санамж бичгийн хүрээнд үндсэн гурван чиглэлээр хамтран ажиллаж байгаагийн нэг нь МУИС-ийн ирэх таван жилийн стратегийн зорилтын дагуу Тогтвортой хөгжлийн зорилтод нийцсэн, байгальд ээлтэй сургуулийн орчин бүрдүүлэхэд дэмжлэг үзүүлэх юм.

Энэхүү зорилтын дагуу багш, ажилтан, оюутнуудад хог хаягдлаа ангилж ялгах дадал хэвшил төлөвшүүлэх зорилготой “Recycling Champion” уралдааныг М-Си-Эс Кока-Кола компани, Ти Эм Эл Пластик үйлдвэртэй хамтран зохион байгуулах гэж байна.

Тус сургуулийн харьяаны бүрэлдэхүүн сургууль, сургалт судалгааны хүрээлэн, номын сан зэрэг 10 гаруй барилга байгууламжид 1500 багш ажилтан, 25 мянган оюутан суралцдаг. Тиймээс хуванцраа ангилах дадал суулгах зорилтот ажлын хүрээнд МУИС-ийн Хамтын ажиллагааны газар, Хангамж үйлчилгээний алба болон Оюутны холбоодтой хамтарч, дараах багц ажлуудыг хэрэгжүүлж байна.

1. Хуванцраа ангилан ялгах зориулалтын савыг хичээлийн байр тус бүрд өнгөрсөн оноос байрлуулав.

2. Хуванцраа ангилан ялгах, Ти Эм Эл үйлдвэртэй танилцах гэх мэт шат дараатай сургалтыг зохион байгуулж байна.

3. “Recycling Champion” уралдааны хүрээнд долоо хоног бүрийн Лхагва гарагт “Ти Эм Эл Пластик” үйлдвэр өөрийн цуглуулалтын машинаар сургуулийн таван цэгээс цугларсан ус, ундааны хуванцрыг татан авна.

“Recycling Champion” хуванцар цуглуулах уралдаан нь 5-р сарын 15 хүртэл зохион байгуулагдах бөгөөд энэ хугацаанд МУИС-ийн хэмжээнд дахивраа ангилан ялгах, цуглуулалт, тээвэрлэлтийн цогц системийг төлөвшүүлэхээр зорьж байна.

М-Си-Эс Кока-Кола компани нь 2030 он гэхэд борлуулсан бүх бүтээгдэхүүний савыг цуглуулж, дахин боловсруулах зорилт тавьсан байдаг. Энэ хүрээнд тус компанийн санаачилгаар байгуулагдсан хуванцар дахин боловсруулах “Ти Эм Эл” үйлдвэр нь одоогоор 1610 гаруй СӨХ, ААН-ээс ус, ундааны хуванцар шууд татан авч, дахин боловсруулж байна.

Хуванцраа хэрхэн зөв ангилах вэ?

Сонирхуулахад, ингэж зөв ангилж цуглуулсан сав нь Монголдоо 100% дахин боловсруулсан савлагаатай анхны брэнд болох “Bonaqua” усны савны түүхий эд болж, дахин боловсруулагдаж буй юм.

Эх дэлхийгээ хайрлах үйлсэд хувь нэмрээ оруулах хүсэлтэй хэн бүхэн “Ти Эм Эл Пластик” үйлдвэрийн цуглуулалтын албатай 7610-7711 дугаараар холбогдож, хуванцраа хүлээлгэн өгөх боломжтой.

Хөтөлбөр Онцлох мэдээ Компани Мэдээ мэдээлэл

“MCS Internship 2026” цалинтай дадлагажих хөтөлбөрөө зарлаж байна

Их, дээд сургуулийн оюутан залууст ажлын гараагаа зөв, системтэй эхлүүлж, бодит туршлага хуримтлуулангаа өөрийгөө хөгжүүлэх, шилдэг мэргэжилтнүүдтэй хамтран ажиллаж, бизнесийн байгууллагын соёлд суралцах боломж олгодог “MCS Internship 2026” цалинтай дадлагажих хөтөлбөрийн бүртгэл эхэлж байна.

2022 оноос хэрэгжүүлж буй “MCS Internship” хөтөлбөрийн хүрээнд их, дээд сургуулийн 220 гаруй оюутан М-Си-Эс Группийн компаниудад цалинтай дадлагажиж, үндсэн ажилтнаар ажиллах санал авсан оюутнууд үргэлжлүүлэн амжилттай ажиллаж байгаа юм.

“MCS Internship” хөтөлбөрт хамрагдсанаар оюутан залуус практикт суурилсан ажлын бодит туршлага болгон хуримтлуулахаас гадна хувь хүний хөгжлийн сургалт, олон нийтийн ажилд оролцож, М-Си-Эс Группийн менторуудаас зөвлөгөө аван танилын хүрээгээ тэлэх зэргээр дадлагын гурван сарын хугацааг үр бүтээлтэй өнгөрөөх юм. Түүнчлэн М-Си-Эс Группийн компаниудад үндсэн ажилтнаар үргэлжлүүлэн ажиллах боломж бий.

Хөтөлбөрт бүртгүүлэхэд тавигдах шаардлага:

– Их, дээд сургуулийн 3, 4-р курсийн оюутан байх
– Голч дүн 2.8 ба түүнээс дээш байх

Хөтөлбөрт хамрагдах мэргэжлийн чиглэл:

– Барилгын инженер
– Бизнес хөгжил
– Борлуулалт
– Инженер техник
– Контент медиа, дизайн
– Маркетинг
– Механикийн инженер
– Мэдээллийн технологи, программ хангамж
– Нягтлан бодох бүртгэл
– Олон нийтийн харилцаа
– Санхүү, өгөгдлийн сан
– Тээвэр ложистик
– Үйлдвэрлэл
– Худалдан авалт
– Хууль, эрх зүй, нийцэл
– Хүний нөөц, захиргаа
– Цахилгааны инженер
– Эрсдэлийн удирдлага

Хөтөлбөрт бүртгүүлэх холбоос: careers.mcs.mn

Бүртгэлийн хугацаа: 2026 оны 4 сарын 20-ны өдрийг дуустал
Сонгон шалгаруулалт: 2026 оны 4 сар

Хөтөлбөртэй холбоотой дэлгэрэнгүй мэдээлэл авах:
Имэйл: hrmanager@mcs.mn
Утасны дугаар: 7777 8833

Хөтөлбөр Онцлох мэдээ Компани Мэдээ мэдээлэл

Сэтгүүлчдийн дунд зарлаж буй сэтгүүл зүйн бүтээлийн уралдааны удирдамж

ҮНДЭСЛЭЛ

М-Си-Эс Кока-Кола компани 2030 он гэхэд борлуулсан ус, ундааны бүхий л хуванцар саваа дахин боловсруулдаг болох зорилт тавьж, эх үүсвэр дээрээс нь хуванцар цуглуулах олон талт ажлыг 2022 оноос хойш хэрэгжүүлж эхэлсэн нь олон нийтэд хуванцар дахин боловсруулахын ач холбогдлыг таниулах чухал алхам болсон. Ирэх онд дэлхийн стандарт, жишгийн дагуу түүхий эдээс эцсийн шат хүртэл анх удаа 100 хувь дотоодод удаа дахин боловсруулсан PET хуванцар савлагаатай бүтээгдэхүүн худалдаанд гаргахаар төлөвлөж байна. Тиймээс хүнсний зориулалттай дахин боловсруулсан PET хуванцар савлагааны чанар стандарт, хуванцар дахин боловсруулалтын ач холбогдлын талаарх мэдээллийг олон нийтэд илүү хүртээмжтэй хүргэх зорилгоор сэтгүүл зүйн бүтээлийн уралдаан зарлаж байна.

УРАЛДААНЫ СЭДЭВ

“Хүнсний зориулалттай дахин боловсруулсан PET хуванцар савлагааг хэрэглээнд нэвтрүүлэх тухай”

ЗОРИЛГО

Дэлхий даяар ус, ундааны PET хуванцрын дахин боловсруулалт ямар түвшинд байгаа талаар;
Дахин боловсруулсан хуванцар нь хүнсний зориулалтаар ашиглах боломжтой, олон улсын болон дотоодын стандарт шаардлагад нийцсэн талаар;
Хуванцар ангилан ялгалт, дахин боловсруулах зөв гинжин хэлхээ, түүний ач холбогдлын талаар;
PET хуванцар импортлогч, хэрэглэгч, үйлдвэрлэгч гэх мэтчилэн бүх оролцогч талуудын хамтын ажиллагаа, оролцоо чухал үүрэгтэй тухай мэдээллийг олон нийтэд ойлгомжтой хэлбэрээр хүргэхэд чиглэнэ.

ХАМРАХ ХҮРЭЭ

Ногоон пресс сэтгүүлчдийн холбооны гишүүд болон бусад хэвлэлийн мэдээллийн хэрэгслийн сэтгүүлч

ХУГАЦАА

2026.01.10 – 2026.02.02

ШАГНАЛЫН САН

*Ирсэн бүтээлүүдээс шилдэг гурван байр шалгаруулна.

1-р байр – 3,000,000₮
2-р байр – 2,000,000₮
3-р байр – 1,000,000₮

*Уралдаанд илгээсэн бүтээл бүрд чанар, агуулгатай нь уялдуулан мөнгөн урамшуулал олгоно

БҮТЭЭЛД ТАВИГДАХ ШААРДЛАГА

- 2026 оны 01-р сарын 10-нд “Ти Эм Эл Пластик” үйлдвэртэй танилцах аялалд заавал оролцож, мэдээлэл авсан байх
- 2026 оны 01-р сарын 10-наас 02-р сарын 02-ны өдрүүдэд олон нийтийн хэвлэл мэдээллийн хэрэгслээр нийтлэгдсэн цаг үеийн мэдээнээс бусад сэтгүүл зүйн бүтээл байх /жишээлбэл: сэдвийн мэдээ, нийтлэл, нэвтрүүлэг, тойм, богино хэмжээний бичлэг, мультмедиа нийтлэл, сурвалжилга г.м/
- Сэтгүүл зүйн ёс зүйн хэм хэмжээг өндөр түвшинд баримталсан байх
- Бүтээлд аливаа тоо, баримт дурдахдаа судалгаанд үндэслэх, үнэн бодит, баталгаат эх сурвалжийн мэдээлэл ашиглах
- Бүтээлд график, дата визуал дүрслэл ашигласан бол давуу тал болно
  - Бүтээлийг зарласан хугацаанд нийтэлж, олон нийтэд мэдээлснээ батлахуйц мэдээлэл, цахим холбоосыг
    – oyun-erdene.er@mcscocacola.mn
    – sanchirgarav@mww.mn
    – journalist1023@gmail.com хаягаар 02-р сарын 03-ны дотор ирүүлнэ. И-мэйлд дараах мэдээллүүдийг заавал дурдсан байх.
    
    Үүнд:
    a. E-mail Subject: Plastics Journalist Competition 2026
    b. Уралдаанд оролцогчийн нэр
    c. Утасны дугаар
    d. Бүтээлийг нийтэлсэн, түгээсэн хэвлэл мэдээллийн хэрэгслийн нэр
    e. Хэвлэн нийтлэгдсэн, түгээсэн он, сар, өдөр

Бүтээлийг сошиал платформд байршуулахдаа компанийн албан ёсны фэйсбүүк хаягийг tag/mention хийн, дараах hashtag-уудыг оруулах
1. #Хуванцрыг_ХаявалХог_АнгилбалХэрэглээ
2. #CocaColaMongolia

Фэйсбүүк хаяг: https://www.facebook.com/3r.mcscocacola
Инстаграм хаяг: https://www.instagram.com/3r_mcscoca_cola/

Уралдааны сэдэв, агуулга, төслийн хүрээнд хийгдсэн ажлуудтай холбоотой аливаа тоо баримт, нэршлийг дурдахдаа баримтын алдаа гаргахаас сэргийлж, бүтээлээ нийтлэхийн өмнө төслийн багт илгээн хянуулах боломжтой.

Үнэлгээний бүрэлдэхүүн:
– М-Си-Эс Кока-Кола компанийн төлөөлөл
– Хог Хаягдалгүй Монгол ТББ-ын төлөөлөл
– “Ногоон пресс” сэтгүүлчдийн холбооны төлөөллөөс бүрдэх үнэлгээний баг бүтээлүүдийг шүүж, шилдэг бүтээлийг шалгаруулна.

Зөвлөмж: Уралдаанд оролцох сэтгүүлч нь 2025 оны 01-р сарын 10-нд “Ти Эм Эл Пластик” үйлдвэртэй танилцах аялалд оролцсоноор уралдаан зохион байгуулагчдаас дэлгэрэнгүй мэдээлэл авах боломжтой.

Сэтгүүл зүйн шилдэг бүтээлийн уралдаанд оролцохоор сонирхож буй танд баярлалаа.
Aмжилт хүсье!

Хөтөлбөр Компани Мэдээ мэдээлэл

Байгальд ээлтэй “PLAYTIME” фестивалийг “М-Си-Эс Кока-Кола” компани дөрөв дэх жилдээ дэмжин оролцлоо

Азийн тэргүүлэх ТОП таван хөгжмийн наадмын нэг болох зорилготой “Playtime Festival 2025” наадам долоодугаар сарын 3, 4, 5, 6-ны өдрүүдэд нийт дөрвөн өдрийн турш Playtime хүрээлэнд зохион байгуулагдлаа. “М-Си-Эс Кока-Кола” компани “Playtime” хөгжмийн фестивалийн стратегийн буюу ногоон, тогтвортой хөгжлийг дэмжигч түншээр дөрөв дэх жилдээ оролцсон юм.

“Earth. Music. Art. Love” уриатай энэ жилийн хөгжмийн наадмаар “М-Си-Эс Кока-Кола” компани Coca-Cola Real Magic талбайд байгальд ээлтэй фестивалийг 20 мянган залуустай хамтран дараах байдлаар бүтээжээ.

COCA-COLA REAL MAGIC ТАЙЗНЫ ХӨТӨЛБӨР

Coca-Cola Real Magic дөрвөн өдрийн турш залууст зориулсан сонирхолтой хөтөлбөр бэлтгэжээ. Дэлхийн чансааны 3-рт бичигдэж буй The MongolZ багийн 910, bLitz болон Rozigoo нар Coca-Cola Real Magic тайзнаа зочлон, үнэнч дэмжигчидтэйгээ яриа өрнүүлж, зургаа татуулсан нь өдрийн хөтөлбөрийн мартагдашгүй нэг хэсэг болсон юм.

Мөн The Lemons хамтлаг, Vandebo хамтлагууд наадмын хоёр болон гурав дахь үдэш уран бүтээлээ толилуулж, “Playtime Festival 2025”-д хуран цугласан олон мянган залуусыг нэгтгэж чадлаа. Coca-Cola Real Magic тайзны өмнө залуус дуу хоолой, мэдрэмж, зүрхний хэмнэлээ нэгтгэж, дуу хөгжимд уярсан гайхалтай үдшүүд өнгөрсөн юм.

“GREEN PLAYTIME” ЧӨЛӨӨТ ХЭЛЭЛЦҮҮЛЭГ

Хөгжмийн наадмыг зохион байгуулагч, спонсор, артист, оролцогч талууд байгальд ээлтэй фестивалийг хэрхэн хамтдаа бүтээх вэ сэдвийн хүрээнд жил бүр чөлөөт хэлэлцүүлэг өрнүүлдэг уламжлал Coca-Cola Real Magic тайзнаа нэгэнт тогтжээ. Жил бүр Playtime наадамд байгальд ээлтэй, тогтвортой хөгжилд нийцсэн ямар ахиц өөрчлөлт гарч байгаа талаар хамтдаа ярилцаж, хэлэлцүүлгийн төгсгөлд Quiz тэмцээний ялагчид Coca-Cola брэндтэй хамтарсан “Labubu” бэлэглэсэн байна.

“RECYCLE ME” INTERACTIVE HUB x Photo Booth

“М-Си-Эс Кока-Кола” компани нь түгээлтийн машинаа дахин амилуулж хэзээ ч, хаана ч байрших боломжтой “Recycle me” Interactive Hub бий болгожээ. Залуус хуванцрыг дахин боловсруулж хийсэн төрөл бүрийн бүтээгдэхүүнтэй танилцаж, хөгжмийн наадам дээр уусан ус, ундааны хуванцраа дахин боловсруулах явцад гар бие оролцож, байгальд ээлтэй фестивалийн нэг хэсэг болсон байна.

Мөн хуванцрыг дахин ашиглаж зураг авахуулах хана бүтээж, “Хуванцрыг хаявал хог, ангилбал хэрэглээ” кампанит ажлыг залууст танилцуулжээ. Мөн өнгөрсөн жилүүдийн жишгээр “Playtime Festival 2025” дээр хэрэглэсэн 940 кг ус, ундааны хуванцрыг “М-Си-Эс Кока-Кола” компанийн түнш “Ти Эм Эл Пластик” үйлдвэр хүлээн авч, дахин боловсруулж буй аж.

МОД ТАРИЛТ

Фестивалийн өмнөх өдрүүдэд “М-Си-Эс Кока-Кола” компани салхины нөлөөллийг бууруулах, бичил уур амьсгалыг тогтворжуулах зорилгоор 50 гаруй цагаан улиас тарьжээ. Энэ нь хурдан ургалттай, агаар шүүж, хөрс тогтоох өндөр чадвартай мод бөгөөд байгальд ээлтэй наадмын зохион байгуулалтын бодит жишээ болсон байна.

ТАЛБАЙН ЧИЙГШҮҮЛЭЛТ

“М-Си-Эс Кока-Кола” компани үйлдвэрийн технологийн явцад ашигласан бүхий л усаа цэвэршүүлж, ундны уснаас бусад зориулалтаар ашигладаг. Тиймээс фестивалийн өдрүүдэд Плэйтайм хүрээлэнгийн талбайг энэхүү усаар чийгшүүлжээ.

“SHARE A COKE” ХӨТӨЛБӨР

Яг одоо дэлхий даяар хэрэгжиж байгаа “Share a Coke” хөтөлбөрийг энэ жил “Playtime” фестивалиар танилцуулж, хэрэглэгч зөвхөн өөрийн нэртэй ундааг Coca-Cola Real Magic талбай дээр зочилсноор авсан юм.

“Share a Coke” хөтөлбөр нь Монгол орон даяар хамгийн түгээмэл дуудагддаг 26 нэрийг Coca-Cola ундааны шошгон дээр хэвлэсэн бөгөөд өөрийн нэртэй ундааг ууж, аз жаргалтай хором мөчөө хамтдаа хуваалцах боломжийг олгосон.

COCA-COLA х PLAYTIME ХАМТАРСАН МЕРЧ

Азийн тэргүүлэх хөгжмийн хөтөлбөр “Playtime Festival 2025” болон дэлхийн алдарт Coca-Cola брэндийн хамтарсан мерч бүтээгдэхүүнийг энэ жилийн фестивалиар анх удаа танилцууллаа. COCA-COLA REAL MAGIC хөтөлбөрүүдэд идэвхтэй оролцсон залууст хамтарсан мерч бэлэглэсэн юм.

Дээр дурдсан онцлох хөтөлбөрүүдээс гадна Schweppes брэндийн бүтээгдэхүүнээр хийсэн коктейль, iCoke урамшуулалт хөтөлбөр зэргийг зөвхөн Плэйтайм наадмын оролцогч залууст зориулан дөрвөн өдрийн турш толилуулсан.

Ийнхүү “М-Си-Эс Кока-Кола” компани нь энэ жилийн маркетингийн хамгийн томоохон хөтөлбөр болон тогтвортой хөгжил гэсэн хоёр чиглэлээр Playtime наадамд оролцсон байна.

Хөтөлбөр Онцлох мэдээ Мэдээ мэдээлэл

Хуванцар цуглуулалтын хэмжээ 56 хувьд хүрлээ

Post author By Tuvshinbileg
Post date 1 сар 27, 2025
Хуванцар цуглуулалтын хэмжээ 56 хувьд хүрлээ дээр сэтгэгдэл алга

М-Си-Эс Кока-Кола компани 2024 оны байдлаар нийт борлуулсан бүтээгдэхүүнийхээ 56 хувьтай тэнцэхүйц хуванцрыг эргэн цуглууллаа. Энэ нь өмнөх оныхоос 16 хувиар өссөн үзүүлэлт юм.

Монгол улсад олон улсын стандартын дагуу ус, ундааны PET хуванцар сав дахин боловсруулах Ти Эм Эл үйлдвэр 2021 онд ашиглалтад орсон бөгөөд ийнхүү цуглуулсан хуванцрыг тус үйлдвэрт дахин боловсруулж байгаа юм. Бид 2030 он гэхэд борлуулсан ус, ундааны бүх саваа дахин боловсруулах зорилт тавьснаа одоогоос гурван жилийн өмнө олон нийтэд зарлаж, энэхүү зорилтдоо хүрэхийн төлөө ажилласаар байна.

Хөтөлбөр Брэнд Мэдээ мэдээлэл

Шинэ савлагаатай Bonaqua Bubble худалдаанд гарлаа

Post author By admin
Post date 11 сар 21, 2023
Шинэ савлагаатай Bonaqua Bubble худалдаанд гарлаа дээр сэтгэгдэл алга

Bonaqua bubble оргилуун ус шинэ савлагаатай боллоо.

Таныг сэргээх амт “Bonaqua bubble”

Bonaqua bubble оргилуун ус нь хүний биед шаардлагатай шингэний хэрэгцээг нөхөх бөгөөд бүх насны хүмүүс хэрэглэхэд тохиромжтой, амны цангааг бүрэн тайлах бүтээгдэхүүн юм.

Хөтөлбөр Брэнд Мэдээ мэдээлэл

“iCoke хөтөлбөр” зарлагдлаа

Post author By Tuvshinbileg
Post date 11 сар 21, 2023
“iCoke хөтөлбөр” зарлагдлаа дээр сэтгэгдэл алга

“iCoke” хөтөлбөр нь “Шинэ он, Шинэ жил” болох гэж буйтай холбогдуулан онцгой урамшуулал бүхий iCoke “Santa” хөтөлбөрөөр эргэн ирлээ.

Энэхүү хөтөлбөр нь хэрэглэгч түмэндээ олон төрлийн бэлгээр азтан тодруулах онцгой урамшуулалт хөтөлбөр бөгөөд бөглөөн доторх кодыг хийж, хүрдээ эргүүлээд төрөл бүрийн бэлгийн эзэн болох боломжтой юм. Ингэхдээ өөрт байгаа онооны 15 оноо тутамд 1 удаа хүрд эргүүлэх юм.

Үргэлжлэх хугацаа: 2023 оны 11-р сарын 15-ны өдрөөс 12-р сарын 31-ныг дуустал

Хөтөлбөрт оролцох журам: Та хоногт 10 хүртэлх ундааны бөглөөний код оруулах боломжтой ба бөглөөн доторх кодыг хийж, хүрд эргүүлээд бэлэг хожих юм. Мөн өөрт байгаа онооны 15 оноо тутамд 1 удаа хүрд эргүүлэх боломжтой. Хөтөлбөрийн хугацаанд оноо нэмэгдэхгүй ба бөглөө бүр хүрд эргүүлэх хонжворт оролцоно.

Бэлэг олгох сүүлийн хугацаа: 2024.01.15

Бэлэг олгох цэг: Баянгол дүүргийн 3, 4-р хорооллын эцэст байрлах Өргөө -1 кино театрын 3 давхрын iCoke “Santa” хөтөлбөрийн бэлэг олгох цэгээс бэлэг олгоно.

Хэрхэн хожсон ундаагаа GS25 аппликешнд бүртгүүлж авах вэ?

-Та хожсон буюу сагсанд орсон УНДАА бүрийнхээ дор байрлах “КУПОН КОД”-ыг GS25 аппликешны Миний цэс=> Бонус код ашиглах хэсэгт бүртгүүлнэ.

-Таны код амжилттай бүртгэгдэж миний хөргөгч цэсэд ундаа нэмэгдэнэ.

-Та GS25-н бүх салбараас хөргөгчид байршуулсан бүтээгдэхүүнээ авах боломжтой

Орон нутгаас хөтөлбөрт оролцож байгаа бол: Харьяа салбараас бэлгээ авна.

Хөтөлбөр Мэдээ мэдээлэл

“OPEN THE MAGIC” ЗУНЫ УРАМШУУЛАЛТ ХӨТӨЛБӨР ЭХЭЛЛЭЭ

Post author By Tuvshinbileg
Post date 5 сар 31, 2023
“OPEN THE MAGIC” ЗУНЫ УРАМШУУЛАЛТ ХӨТӨЛБӨР ЭХЭЛЛЭЭ дээр сэтгэгдэл алга

“М-Си-Эс Кока-Кола” компани жил бүр зуны улиралд хэрэглэгчдэдээ зориулж урамшуулалт хөтөлбөр зарладаг билээ. Энэ зуны урамшуулалт хөтөлбөр болох “OPEN THE MAGIC” нь:

Ундаагаа уугаад,
Бөглөөгөө шалгаад
Шууд азтан болох боломжтой хөтөлбөр бөгөөд хэрэглэгч шар өнгийн бөглөөтэй бүтээгдэхүүн худалдан авч, ундааны бөглөөн дотор талыг шалгаад ХонгКонг аялах эрхийн эзэн болох юм. Тус хөтөлбөр нь 3 сарын хугацаанд үргэлжилнэ.

Хөтөлбөрт оролцох нөхцөл:

- М-Си-Эс Кока-Кола компанийн 7 брэндийн “OPEN THE MAGIC” гэсэн шар бөглөөтэй бүтээгдэхүүнийг худалдан авснаар хөтөлбөрт оролцох боломжтой.
- Хэрэглэгч бөглөөн дотор талыг шалгаж, азтан болсон эсэхээ мэднэ.
- Хэрэглэгч 3 сарын хугацаанд хэдэн ч удаа хөтөлбөрт оролцох боломжтой.

Аяллын эрх ба түүнтэй холбоотой нөхцөл

- Хэрэглэгч бөглөөн дотор талыг шалгах үед “THANK YOU”, “DISNEYLAND” гэсэн бичиг харагдана.
- Хэрэглэгчид “DISNEYLAND” гэсэн бичигтэй бөглөө таарсан тохиолдолд ХонгКонг аялах эрхийн эзэн болно.
- Азтан болсон тохиолдолд Ундааны сав болон бөглөөг өөрийн бичиг баримтын хамт М-Си-Эс Кока-Кола компанийн байранд авч ирж, баталгаажуулна.

(Орон нутгийн хэрэглэгч азтан болсон тохиолдолд орон нутгийн холбогдох салбарууд дээрээс дэлгэрэнгүй мэдээлэл авна.)

- Азтан болсон хэрэглэгч тухайн сав, бөглөөг хамтад нв зөв зохистой хадгалж, эвдрэл гэмтэлгүй авчрах үүргийг хүлээнэ. Хаяж гээсэн тохиолдолд “М-Си-Эс Кока-Кола” компани хариуцахгүй болно.

Ялагчийн мэдээлэл

Азтан болсон хэрэглэгчийн нэр, сэтгэгдэл, хожсон бэлэгний мэдээллийг хэрэглэгчээс зөвшөөрөл авсны үндсэнд Фэйсбүүк хуудсаар нээлттэй мэдээлнэ.
Хэрэглэгч дээрх мэдээлийг харуулахыг хүсэхгүй тохиолдолд info@mcscocacola.mn мэйл хаягт мэдэгдэнэ.

Аюулгүй, Найдвартай байдал

Бөглөөний найдвартай байдал тоо хэмжээг “М-Си-Эс Кока-Кола” компани баталгаажуулсан болно.

“OPEN THE MAGIC” ЗУНЫ ХӨТӨЛБӨРИЙН ҮЙЛЧИЛГЭЭНИЙ ЕРӨНХИЙ НӨХЦӨЛ

Хэрэглэгч M-Cи-Эс Кока-Кола компанийн 7 брэндийн шар өнгийн бөглөөтэй бүтээгдэхүүнийг худалдан авснаар тус хөтөлбөрт оролцоно. М-Си-Эс Кока-Кола компани хөтөлбөртэй холбогдолтой эрх үүргийг бүрэн хариуцна.

Хэн оролцох вэ?

1.1 Хөтөлбөрт оролцогч нь 18-аас дээш насны Монгол Улсын иргэн байна. Хэрэв 18-аас доош насны иргэн хөтөлбөрийн бэлэг буюу аяллын эрхийг хожвол асран хамгаалагчийн хамтаар аялалд явна. Тус тохиолдолд асран хамгаалагч өөрийн аяллын зардлыг бүрэн хариуцна.

Хөтөлбөртэй холбоотой дүрэм

2.1 М-Си-Эс Кока-Кола компани тухайн хэрэглэгчийн хувийн мэдээллийг хэрэглэгчийн зөвшөөрөлгүйгээр олон нийтэд түгээхгүй.

2.2 Бүтээгдэхүүний бөглөөн доторх бичгээр азтан болсон эсэхээ баталгаажуулна.

2.3 Азтан шагналаа баталгаажуулах үедээ зохион байгуулагч талд ундааны бөглөөг, савны хамтаар хүлээлгэж өгнө.

2.4 Бэлгийг бусдад шилжүүлэх боломжгүй. Хэрэв зайлшгүй тохиолдолд талууд харилцан тохиролцсоны эцэст шилжинэ.

2.1 Аяллын эрхийн хүчинтэй хугацаа

2.1.1 Аяллын эрх нь 2023 оны 10-р сарын 20-оос 2023 оны 11-р сарын 20-ний хооронд аяллын хөтөлбөрийн хугацаанд хүчинтэй байна.

2.2 Бөглөөг буруу хадгалах болон хуурамчаар орлуулах оролдлоготой холбоотой дүрэм

2.2.2 Бөглөөг ямар нэгэн үйлдвэрийн бус хийцлэл, гадны нөлөө болон хуурамчаар үйлдсэн тохиолдолд зохион байгуулагч тал хариуцахгүй бөгөөд тус тохиолдолд шагналыг олгох боломжгүй.

Бэлэг буюу Аяллын эрх

3.1 Бэлэг буюу аяллын эрхийн хязгаарлалт

3.1.1 Бэлэг буюу аялалын эрх нь Хонгконг аялах 30 эрх байна.

3.1.3 Хэрэглэгчийн ХонгКонг аялалын багц хөтөлбөрөөс бусад зардлыг “М-Си-Эс Кока-Кола” компани хариуцахгүй.

3.1.5 Аяллын үеэр зохион байгуулагч талаас хамаарахгүй аливаа эрсдлийг азтан өөрөө хариуцна.

3.2 Бэлэг буюу аяллын эрхийг баталгаажуулах тухай

3.2.1 Хэрэглэгч DISNEYLAND гэсэн бичиглэлтэй ундааны бөглөө, савыг бичиг баримтын хамтаар зохион байгуулагч талд авчирснаар баталгаажна. (Сав, бөглөөний зураг нь хүчин төгөлдөр бус байна.)

3.2.2 Азтан болсон хэрэглэгч 2023 оны 8-р сарын 31-ний дотор зохион байгуулагч талд мэдэгдэж, өөрийн биеэр баталгаажуулах ёстой.

(mcscocacola.mn, Coca-Cola Mongolia фэйсбүүк хуудас, 70165555 дугаараар холбогдох)

3.3 Бэлэг буюу аяллын эрхийг олгохгүй байх нөхцөл:

3.3.1. 2.2–т заасан нөхцөлийг үндэслэн шагнал олгох боломжгүй.

3.3.2 Хөтөлбөрийн хүчинтэй хугацаа буюу 2023 оны 8-р сарын 31-ний дотор бэлгийг баталгаажуулаагүй тохиолдолд шагналыг олгох боломжгүй.

“OPEN THE MAGIC” 2023 ЗУНЫ ХӨТӨЛБӨРТ ОРОЛЦОГЧДЫН ЗААВАЛ МЭДЭХ ХЭРЭГТЭЙ ТҮГЭЭМЭЛ АСУУЛТ:

Азтан болсон тохиолдол бэлэг болон түүнтэй холбоотой мэдээллийг хаанаас авах вэ?

Азтан болсон хэрэглэгч албан ёсны фэйсбүүк хуудас, компанийн холбогдох дугаараас авах боломжтой. (mcscocacola.mn, Coca-Cola Mongolia фэйсбүүк хуудас, 70165555)

Мөн орон нутгийн оролцогчид орон нутаг тус бүрийн

Дархан хот, Тотал Дистрибюшин ХХК-ийн байр
Сүхбаатар сум Тотал Дистрибюшин ХХК-ийн байр
Мандал сум, Спирт Бал Бурам ХХК-ийн байр
Орхон аймаг, Эрдэнэт хот. Хуучин хүнсний үйлдвэр M-Си-Эс Кока-Кола ХХК-ийн байр
Булган аймаг. Тотал дэлгүүр
Арвайхээр Өнөр гудамж 12 тоот, Тотал Дистрибюшин ХХК-ийн байр
Баруун бүс төвөөс чанх урагшаа 300м. Баян Жаргант ХХК-ний хашаанд
Хатанбаатар-13 гудамж 1301А, Тотал дистрибюшин ХХК-ийн байр.
Говь-Алтай аймаг. Алтай-Улиастай эрчим хүчний зүүн талд Эрхэс төвийн 2 давхарт
Хөвсгөл аймаг, Мөрөн. Тотал Дистрибюшин ХХК-ийн байр.
Архангай аймаг. Цэцэрлэг. Тотал Дистрибюшин ХХК-ийн байр.
Шунхлайн тойргийн эсрэг талд Тотал Дистрибюшин ХХК-ийн байр.
Улиастай. Завхан баялаг оффис.
Сайншанд 3-р баг Алтанговийн гудамж 2-226 тоот Тотал Дистрибюшин ХХК-ын байр
Даланзадгад сум 8-р баг Тээвэрчидийн гудамж 204 тоот Тотал Дистрибюшин ХХК-ын байр
Чойр. Дэнжийн Дугуй дэлгүүрийн баруун талд бөөний төв
Мандалговь Хүнс ХХК-н урд талд Ирмүүн түшиг ХХК Гэрээт бөөний төв.
Замын-Үүд сум Петровис колонкийн урд талд АНЗО трейд ХХК
Баруун-Урт. Төв талбайн хойд талд “Шилийн богд” дэлгүүр
Чойбалсан. Хэрлэн номин бизнес төв, 2 давхар 216 тоот
Чингис. 1-р баг. Тотал дистрибюшин ХХК-ийн байрны салбар дээрээс мэдээллийг авна.

2. Бэлгээ хэд хоногийн дотор мэдэгдэх ёстой вэ?

2023 оны 08 сарын 31-ний дотор багтаж мэдэгдэнэ.

3. Бэлгээ өөрийн биеэр эдлэх боломжгүй бол өөр хүн явуулж болох эсэх?

Боломжтой, төлөөлж ирсэн хүн нь таныг төлөөлж байгаагаа бүрэн баталгаажуулах хэрэгтэй, таны дугаарлуу залгаж баталгаажуулах, иргэний үнэмлэхний зураг хуулбарыг харуулах гэх мэт.

4.Нэг хүн 2 удаа азтан болвол яах вэ?

Төлөөлж батлан даах хүндээ зохион байгуулагчтай тохиролцсоны дараа шилжүүлэх боломжтой.

5. Хөтөлбөр үргэлжлэх хугацаа

2023 оны 06 сарын 01-ний өдрөөс эхлэн 08 сарын 31-ний өдрийг дуустал 3 сарын турш үргэлжилнэ.

Хөтөлбөр Мэдээ мэдээлэл

Minute Maid Punch ундааны чихрийн агууламжийг буурууллаа

Post author By Tuvshinbileg
Post date 5 сар 23, 2023
Minute Maid Punch ундааны чихрийн агууламжийг буурууллаа дээр сэтгэгдэл алга

“М-Си-Эс Кока-Кола” компани хэрэглэгчдэдээ сонголт бий болгох зорилготой “Чихрийн хэмжээ бууруулах хөтөлбөр”-ийг 2018 оноос хойш хэрэгжүүлж байна.

Илчлэг багатай ундааны сонголтыг нэмэгдүүлэх уг хөтөлбөрийн хүрээнд, нийт 46 амтнаас 9 ундааны чихрийн хэмжээг бууруулаад байна. Ингэснээр илчлэггүй буюу бага чихэртэй бүтээгдэхүүний хэмжээ нийт бүтээгдэхүүний 63% болжээ.

Хамгийн сүүлд Minute Maid Punch алимны ундааны сахарын хэмжээг (100 гр бүтээгдэхүүн дэх чихрийн хэмжээ 9,7 гр-аас 7,4 гр болж 24%) бууруулсан бөгөөд цаашид ч уг төслөө үргэлжлүүлж, жил бүр 1-2 ундааны чихрийн хэмжээг бууруулах юм.