Компани
М-Си-Эс Кока-Кола компани, хуванцар дахин боловсруулах TML үйлдвэр “Хуванцрын Хаягдалгүй Наадъя” уриалгыг хоёр дахь жилдээ дэвшүүлж, Төв цэнгэлдэх хүрээлэнгийн эргэн тойронд цугларсан 600 кг хуванцрыг амжилттай цуглууллаа.
Үндэсний их баяр наадмын үеэр олон мянган наадамчин хуран цугларч, төдий хэмжээний хуванцрын хаягдал үүсдэг билээ. Тиймээс наадамчин олныг “М-Си-Эс Кока-Кола” компанийн RECYCLE ME эко саванд хуванцрын овор хэмжээг багасгаж, ангилан ялгаж хаяхыг уриалах замаар тэдний дадал хэвшилд нөлөөлөх ажлыг ийнхүү зохион байгуулсан юм.
Түүнчлэн олон нийтэд хуванцар сав дахин боловсруулах явцыг сонирхуулах зорилготой үзүүлэн байршуулж, дахин боловсруулсан буюу rPET материалыг өөрсдийн гараар хийж, олон нийтэд сонирхуулсан юм. Мөн хуванцрыг дахин боловсруулснаар хувцасны түүхий эд болдгийг харуулах зорилгоор богино ханцуйтай цамц, цүнх, малгай зэргийг үзүүлэнд толилууллаа.
“М-Си-Эс Кока-Кола” компанийн Олон нийт, мэдээлэл харилцааны менежер Э.Оюун-Эрдэнэ:
Манай хуванцар савны нийлүүлэгч буюу хуванцар сав дахин боловсруулах “Tи Эм Эл” үйлдвэр маань хуванцар цуглуулах ажлыг хариуцаж байгаа. Бид борлуулсан ундаа тутмынхаа 47 хувьтай тэнцэхүйц хуванцрыг цуглуулдаг байсан бол кампанит ажил өрнүүлж буй сүүлийн нэг жилд цуглуулалт маань 61 хувь болж өссөн байна. Өөрөөр хэлбэл, хуванцраа ангилан ялгадаг байгууллага, СӨХ, үзвэр үйлчилгээний газрууд маань хуванцраа бидэнд нийлүүлдэг болж байна гэсэн үг.
Хуванцар сав дахин боловсруулах “Tи Эм Эл” үйлдвэр хог хаягдал үүсгэдэг бүхий л газруудтай биечлэн уулзаж, хамтран ажиллах хүсэлт тавьж буй юм. Одоогийн байдлаар “Tи Эм Эл” үйлдвэрт хуванцар нийлүүлэх гэрээ байгуулсан 839 байгууллага буйгаас бодитоор нийлүүлж эхэлсэн байгууллагын тоо 390 орчим болжээ.
Бидний ажилд дэмжлэг үзүүлсэн Хот тохижилтын газрын хамт олонд талархал илэрхийлье.
Хэлэлцүүлгийн модератор: М-Си-Эс Кока-Кола компанийн Олон нийт, мэдээлэл харилцааны менежер Э.Оюун-Эрдэнэ
Хэлэлцүүлгийн зочид:
– Toirog foundation-ийн үүсгэн байгуулагч Агнууш
– “Zero Waste Club”-ийн Үүсгэн байгуулагч Д.Ууганзаяа
– “Playtime” хөгжмийн наадмын сайн дур, ногоон тогтвортой хөгжил хариуцсан Захирал Ш.Банзрагч
– “Спек материалс” компанийн Үүсгэн байгуулагч Г.Эрчиссаран
– “Хуванцрын хаягдалгүй дэлхий” кампанит ажлын инфлюнсер Ч.Ганжавхлан
– “Монголын тогтвортой хөгжлийн гүүр” ТББ-ын тэргүүн Д.Өлзийбилэг
Агнууш
Playtime наадамтай холбогдсон түүх бол 2002 оноос эхлэлтэй. Анх тайзан дээр хамтлагаараа хөгжим тоглон оролцож байхдаа байгальд ээлтэй амьдрах, “ногоон” байх талаар ямар ч ойлголтгүй өсвөр насны охин байлаа. Харин энэ жилээс эхлэн Toirog Foundation, Playtime наадмын хамт олонтой хамтран хүлэмжийн хийн ялгарлын дата цуглуулах ажлыг гүйцэтгэж буй. Энэ утгаараа 20 жилийн өмнөхөөс илүү утга учиртай, үр дүнтэй оролцох болсондоо баяртай байна.
Ч.Ганжавхлан
Дөрөвдүгээр сард Гималайн нуруу өөд өгсөх замдаа олон орны уулчдын нэгдмэл философийг олж харсан нь “Энэ байгаль биднийг ирэхээс өмнө ямар байсан, яг л тэр хэвээрээ үлдэх ёстой” гэх үзэл байлаа. 5000 метрийн өндөрт гарах урт удаан аялалд нэг ч хог байгальд үлдээлгүй ирж билээ. Байж болох хамгийн минимал байдлаар хэрэглээгээ бүрдүүлснээр нэг хүний бүх ачаа ердөө 20 кг болж байлаа. Энэ аяллаас олж авсан туршлага дээрээ үндэслэн Playtime-ийн талбайд тарьсан бүх хогоо аваад явахаар хогны уут биедээ аваад явж байна. Бодоод үзэхэд, хүн бүр өөр өөрийн хогоо хариуцаж, байгальд хор хохирол үлдээлгүйгээр наадах нь ногоон Playtime-ийн бодит биелэл юм.
Д.Ууганзаяа
Playtime-ийг илүү ногоон болгох үйлсэд маш жижиг, энгийн үйлдлээр хувь нэмэр оруулах боломжтой. Миний хувьд нэг удаагийн аяга, тавга хэрэглэхээс татгалзаж, өөрийн аяга, тавгаа авч ирсэн. Хэрвээ зайлшгүй хуванцар сав хэрэглэх шаардлага тулгарвал дотор нь бохир үлдээлгүй ангилан хаях хэрэгтэй. Дотроо бохиртой хуванцрыг хогийн саванд хийвэл бусад хуванцрыг бохирдуулах тул уутанд хийж авч яваад, усаар зайлан дахин боловсруулах хуванцарын савандаа хийдэг.
МОДЕРАТОР: ТАНЫ БОДЛООР PLAYTIME НААДАМ ТОГТВОРТОЙ ХӨГЖИЛД ЯМАР ТҮВШИНД АНХААРЧ БАЙНА ВЭ?
Ш.Банзрагч
Playtime хөгжмийн наадмын тогтвортой хөгжлийг өнөөдрийн түвшинд хүргэсэн нь бидний 11 жилийн хөдөлмөрийн үр шим. Бидний гаргаж буй уриалга, санаачилгуудын үр дүнд залуучууд зөв хандлага, эерэг өөрчлөлтийг үзүүлж байна хэмээн хардаг. Өнгөрсөн жил Playtime наадмын захирлууд Тайланд Улсын Wonderfruit хөгжмийн наадам руу туршлага судлахаар зорьсон. Тэндээс сурч, мэдсэн зүйлс дээрээ үндэслэн энэ жил асар бүхэн дээрээ дахин боловсруулагдах материал ашиглаж, өөрсдөө хог хаягдлаа багасгах боломжтой болохыг олж харсан.
Ч.Ганжавхлан
Өнөөдрийн зохион байгуулалтыг 10 жилийн өмнөхтэй харьцуулахад тун өөр болж. Сүүлийн жилүүдэд байгаль экологио хамгаалж, тогтвортой хөгжлийг дэмжсэн үйл ажиллагаа, зохион байгуулалт бодитоор хийгдэж байгаа нь хэдэн зуун ангилан хаях хогийн сав, дахин боловсруулсан бүтээлүүд, ариун цэврийн хэсэг зэргээс харагдаж байна. Эдгээрийг хэрэглэгчээр ханган ажиллаж байгаа сайн дурын ажилтан залуусдаа талархал илэрхийлэх нь зүйтэй болов уу.
Д.Ууганзаяа
Сүүлийн жилүүдэд наадмын зохион байгуулалт илт сайжирч байгааг анзаарч буйн дээр энэ жил асар бүрийн үйл ажиллагаа, тохижилт зэргээс тогтвортой хөгжлөө дэмжих, байгалиа хайрлах гэсэн оролдлогууд ажиглагдаж байгаа нь сайшаалтай. Үүний сацуу эдгээр ажил, санаачилгуудыг эерэг оролцоогоор хангах нь бидний үүрэг хэмээн үзэж байна.
Г.Эрчиссаран
Миний хувьд химич мэргэжилтэй учраас аливаад дүгнэлт хийхдээ тоо баримт дээр тулгуурлахыг эрмэлздэг. Энэ жилээс эхлэн Playtime наадам тогтвортой хөгжлийн хүрээнд хийгдсэн ажлуудын тайлан, статистик мэдээллийг гаргаж эхэлж буй нь тун олзуурхууштай. Учир нь хүлэмжийн хийн ялгарлын хэмжээг тодорхой болгосноор түүн дээрээ тулгуурлан цаашдаа уг хэмжээг улам багасгах боломжтой юм. Миний хувьд тайлан гарах эцсийн мөчийг тэсэн ядан хүлээж байгаа бөгөөд дараа жилийн тайлантай харьцуулан дүгнэлт гаргахаар төлөвлөж байна.
МОДЕРАТОР: ЦААШИД PLAYTIME НААДАМ ХЭРХЭН ИЛҮҮ НОГООН БОЛОХ ВЭ?
Агнууш
Хувцас үйлдвэрлэл нь дэлхийн хүлэмжийн хийн 10 хувийг, далайн бохирдлын 30 хувийг эзэлдэг бол эрчим хүч зарцуулалтаараа дэлхийд хоёрт бичигддэг. Тиймээс наадамд оролцогчид хуучин хувцас худалдан авах, өөрт байгаа хувцсаа засварлан өмсөх зэрэг аргыг ашиглан тэг зардлаар байгаль дэлхийгээ хайрлаарай. Энэ жил Испани улсын дахин боловсруулсан аягыг Монголдоо хэрэглээнд нэвтрүүлсэн бөгөөд миний хувьд үүнийг өдөр тутамдаа хэрэглэж байгаа. Бусад залуус ч мөн өөрсдийн аягыг авчран, хог хаягдал үүсгэлгүй эко байдлаар наадамдаа оролцож, цаашлаад өдөр тутмын амьдралдаа хэвшүүлэх нь зүйтэй болов уу.
Д.Өлзийбилэг
Тогтвортой, хариуцлагатай хэрэглээний хүрээнд хийж болох нэг том үйлдэл байдаг нь бодит хэрэглээ, хүсэл хоёроо ялгах явдал. Нийт худалдан авалтын 40-80 хувь нь хүсэл дээр суурилсан байдаг бөгөөд тэдгээр нь хэдхэн хоногийн дараа хэрэгцээгүй болдог. Гэтэл тухайн бүтээгдэхүүнийг үйлдвэрлэхэд их хэмжээний ус, эрчим хүч, тээврийн зардал гарч, байгаль бохирдох нөхцлийг бүрдүүлдэг. Тиймээс энэхүү үргүй зардлыг бууруулахын тулд худалдан авалт хийхээсээ өмнө бодит хэрэгцээ байгаа эсэхийг нухацтай бодож үзэх хэрэгтэйг зөвлөе. Цаашдаа уг наадмыг “ногоон” зохион байгуулж буй зорилго, түүний хүрээнд хийж буй ажлууд зэргийг сошиал медиагаар олон нийтэд түгээж, дараа жил Playtime-ийг зорин ирэх хүмүүсийг эртнээс мэдээллээр хангах нь зүйтэй.
Г.Эрчиссаран
Байгальд ээлтэй амьдралын хэв маягыг бүрдүүлэхийн тулд баримтлах 4 R-ийн зарчим гэж байдаг. Тэдгээр нь refuse (татгалзах), reduce (бууруулах), reuse (дахин ашиглах), recycle (дахин боловсруулах). Хүний худалдан авалтын 99 хувь нь хоёр секундээс зургаан сарын дотор “хог” болдог гэх судалгаа бий. Тийм учраас бодит хэрэгцээгүй л бол худалдаж авахаас татгалзаарай. Мөн хотын гудмаар ангилан хаях зориулалт бүхий хогийн сав хангалттай хэмжээнд байдаггүй тул хүмүүс өдөр тутамдаа хогоо ангилж дадаагүй болов уу. Тиймээс наадмын үеэр хогоо ангилж хаях нь хичээл зүтгэл шаардах хэдий ч биднийг байгальд ээлтэй, цэвэр цэмцгэр байгаасай хэмээн ажиллаж байгаа хүмүүсийг хүндлэн хогоо ангилан хаяарай хэмээн уриалъя. Фестивалын нүүрстөрөгчийн ялгарлыг хязгаарладаг хамгийн том хүчин зүйлс нь энерги болон тээвэрлэлт. Дараа жилээс сэргээгдэх эрчим хүчний хэрэглээгээ нэмэгдүүлэх уриалгыг дэвшүүлмээр байна. Харин тээвэрлэлтийн улмаас үүсэх нүүрстөрөгчийн ялгарлыг бууруулах нэг арга нь хүн тус бүр хувийн унаагаар ирэх бус автобусаар ирэх явдал юм. Тиймээс цаашдаа нийтийн тээврийн хүрэлцээг нэмэгдүүлэх шаардлагатай санагдсан бөгөөд нэг ч хүн автобусанд багталгүй үлдэхгүй байгаасай хэмээн хүсэж байна.
Ш.Банзрагч
Тогтвортой хөгжлийн хүрээнд 17 зорилт дэвшүүлсэн бөгөөд энэ жилийн хувьд хогоо ангилан хаях ажилд түлхүү төвлөрсөн бол дараагийн жилүүдэд усны нөөцийг хэмнэх гэх мэт бусад зорилгуудын хэрэгжилтийг хангаж ажиллахаар төлөвлөж байна. Харин оролцогч залуусын хувьд өөрсдийн аяга, халбага, сэрээг авчрахыг зөвлөе. Ингэснээр нэг удаагийн хэрэглээг бууруулаад зогсохгүй хувийн эрүүл мэндийг хамгаалахад эерэг нөлөөтэй.
Д.Ууганзаяа
Хувь хүний хандлагыг өөрчилнө гэдэг амаргүй зүйл, харин хүн бусдыг даган дуурайж өөрөө өөрчлөгддөг. Тиймээс зохион байгуулалтын багийнхан өөрсдөө экологид ээлтэй уур амьсгал бүрдүүлэх, оролцож буй байгууллагууд ч мөн байгалиа хайрлах уриалгыг шингээсэн өнгө төрхтэй байснаар залуус ч мөн тухайн орчноо даган өөрчлөгдөнө хэмээн итгэж байна.
“М-Си-Эс Кока-Кола” компани “Берлин – 2023” Тусгай Олимпийн зуны наадамд оролцох баг тамирчдыг хүлээн авч уулзлаа.
Оюуны бэрхшээлтэй залуусыг спортоор дамжуулж эрүүл чийрэг болгох, бие бялдрыг нь хөгжүүлэх зорилготой Тусгай олимпийн наадмыг “М-Си-Эс Кока-Кола” компани тогтмол дэмжигч, найдвартай түнш бөгөөд дэлхийн Кока-Кола компанийн зүгээс Олон Улсын Тусгай Олимпийг сүүлийн 50 гаруй жил дэмжиж ирсэн түүхтэй.
Энэ удаагийн олимпийн наадамд манай улсаас 9 төрөлд 44 тамирчин оролцож буй бөгөөд тэдгээр тамирчдын спорт хувцас хэрэглэл, бэлтгэлийн үеэр хэрэглэх ус, ундаанд дэмжлэг үзүүлж буй билээ.
Дөрвөн жилд нэг удаа зохиогддог тус наадам энэ удаад ХБНГУ-ын нийслэл Берлин хотод 6-р сарын 17-25-ны өдрүүдэд зохион байгуулагдах юм.
Монгол Улсаа төлөөлөн оролцож буй НИЙТ ТАМИРЧДАДАА АМЖИЛТ ХҮСЬЕ!
Монгол улсын Ерөнхийлөгчийн санаачилсан Хүнсний хувьсгал хөдөлгөөний “Баялаг бүтээгч-Business tour” аяллын хүрээнд Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр, ХХААХҮ-ийн дэд сайд М.Ганхүлэг болон үндэсний 50 гаруй үйлдвэрлэгчид М-Си-Эс Кока-Кола компанийн үйл ажиллагаатай танилцлаа.
Бид үндэсний үйлдвэрлэгчдэдээ дэлхийн Кока-Кола компанийн хүнсний эрүүл ахуй, аюулгүй байдлын чиглэлд баримталдаг чанар стандарт төдийгүй байгаль орчин, нийгэм, засаглалын чиглэлд хэрэгжүүлдэг ажлуудаа танилцууллаа.
Түүнчлэн манай бэлэн бүтээгдэхүүний агуулах, үйлдвэрийн шат дамжлагатай танилцаж, туршлага судаллаа.
“М-Си-Эс Кока-Кола” компани улсын төсөвт 69.8 тэрбум төгрөгийн татвар төвлөрүүлж, улсын хөгжил дэвшилд хувь нэмрээ оруулсан тул Монгол улсын 2022 оны ТОП-100 ААН-ийн 16 дугаарт эрэмбэлэгдлээ.
22 дахь жилдээ зохион байгуулагдаж буй уг шалгаруулалтад 2015 оноос хойш тогтмол шалгарч буй бөгөөд өдгөө 21 брэндийн 160 төрлийн бүтээгдэхүүнийг үйлдвэрлэн борлуулж, орон даяар 17000 гаруй харилцагчдаар дамжуулан Монголын хэрэглэгчдэд Дэлхийн брэндийг хүргэж байна.
Өнгөрөгч онд үзүүлсэн голлох амжилтуудаас дурдвал:
3.5 сая долларын хөрөнгө оруулалт бүхий VIO MILLENIA үйлдвэрийн барилгын ажлыг Сэлэнгэ аймагт эхлүүлэх, үйлдвэрийн бүтээмж, бүтээгдэхүүний чанарын үзүүлэлтийг сайжруулах зэргээр томоохон хөрөнгө оруулалтууд хийсэн бөгөөд нийт хөрөнгө оруулалтын дүн 29 тэрбум төгрөгт хүрч, дотоод худалдан авалтын дүн 182 тэрбум төгрөгт хүрчээ.
Байгальд ээлтэй бизнес эрхлэх цогц хөтөлбөрийн хүрээнд өнгөрөгч онд:
“Дэлхийн брэндийг Монголдоо” уриатай М-Си-Эс Кока-Кола компани 38.9 тэрбум төгрөгийн татвар төлж, Монгол улсын нийгэм эдийн засагт томоохон хувь нэмрээ оруулсан тул Сангийн яам, Татварын Ерөнхий Газраас “Шилдэг Татвар Төлөгч Байгууллага”-аар өргөмжиллөө.
М-Си-Эс Кока-Кола компани 2022 онд:
Мөн
Түүнчлэн Тогтвортой хөгжлийг дэмжих бодлогын хүрээнд илчлэг багатай ундааны сонголт нэмэгдүүлэн 46 амтаас 9 төрлийн амтын сахарыг бууруулаад байна.
Жил бүр шилдэг татвар төлөгчдийг ийнхүү шалгаруулдаг бөгөөд улсын төсөвт хамгийн их татвар төлсөн ААН-үүдийг том, дунд, жижиг, бичил гэсэн дөрвөн сегментэд ангилж, Бизнес скоринг үнэлгээ өгдөг. М-Си-Эс Кока-Кола компанийн хувьд дотоодын хэрэглэгчдийн дэлхийн стандартад нийцсэн ус, ундаа, цай жүүсний 21 брэндийн 160 төрлийн бүтээгдэхүүнийг Монгол орон даяар 17000 харилцагчдаар дамжуулж хэрэглэгчдэд хүргэснээр Том сегментийн Бизнес скоринг “А” үнэлгээтэй байгууллагаар ийнхүү шалгарлаа.
Бид 2001 онд үйл ажиллагаа явуулж эхэлснээс хойш Найдвартай татвар төлөгч, Шилдэг татвар төлөгчөөр удаа дараа шалгарч байсан билээ.
Уурын зуух жилд 4,800 орчим тн хүлэмжийн хийн ялгарлыг бууруулж байна
М-Си-Эс Кока-Кола компани нь М Си Эс Интернэйшнл компанитай хамтран түүхий нүүрсийг бүрэн халсан, утаагүй уурын зуухыг 2021 онд ашиглалтад оруулсан билээ. Энэхүү байгальд ээлтэй зуух нь Монгол болон Япон улсын Засгийн газар хоорондын Хамтарсан Кредит Олгох Механизмд хамрагдсан бөгөөд өнөөдөр тус үйлдвэрийн үйл ажиллагаатай Япон улсын Парламентын Төлөөлөгчдийн Танхимын Гишүүн Цүчияа Шинако тэргүүтэй төлөөлөгчид танилцлаа.
Хамтарсан Кредит Олгох механизмын хүрээнд
М-Си-Эс Кока-Кола ХХК, М Си Эс Интернэйшнл ХХК нь тогтвортой хөгжлийг дэмжих бодлогын хүрээнд агаарын бохирдлыг бууруулах, ирээдүй хойчдоо экологийн тэнцвэрт байгаль орчныг үлдээх үйлсэд нэгдэж, утаагүй уурын зуух байгуулахад нийт 4.5 сая доллар зарцуулсан байдаг. Утаагүй уурын зуухтай болсноор жилд 4,783 тн хүлэмжийн хийн ялгарлыг бууруулж буй юм. Ийнхүү байгальд ээлтэй, уурын зуухтай Монголын анхны хүнсний үйлдвэрийн хувьд ХКОМ-ын амжилттай хэрэгжиж буй загвар төслөөр шалгарч, 50 хувийн санхүүжилт авсан юм.
Японы Парламентын Төлөөлөгчдийн танхимын гишүүн Цүчияа Шинако:
“Би өмнө нь Байгаль орчны дэд сайдаар ажиллаж байсан бөгөөд манай засгийн газрын санхүүжилт олгосон хөтөлбөр хэрхэн амжилттай хэрэгжиж буйг өнөөдөр өөрийн нүдээр үзэж, танилцсандаа баяртай байна. Япон улсын хувьд хүлэмжийн хийн ялгарлыг бууруулах, байгаль орчиндоо ээлтэй байх нь аливаа нэгэн хувийн хэвшлийн байгууллага төдийгүй иргэн бүрд хамааралтай асуудал болсон бөгөөд бүхий л оролцогч талууд хүчин чармайлт гаргадаг болохыг хэлэхдээ таатай байна.”
М-Си-Эс Кока-Кола ХХК өмнө нь түүхий нүүрс ашигладаг зуухтай байх үед жилд 7000 орчим тонн түүхий нүүрс хэрэглэдэг байсан бол одоо түүхий нүүрсний зуух байрлаж байсан хуучин байгууламжаа сэргээн засварлаж, ажилтнуудын хоолны газар, спорт заал, бялдаржуулах өрөө, караоке зэргийг тохижууллаа.
М-Си-Эс Кока-Кола компани нь М-Си-Эс Интернэйшнл компанитай хамтран төслөө хэрэгжүүлэхдээ Японы NTEC компанийн найман ширхэг ус халаах зуух, БНСУ-ын DAEYEOL компанийн дөрвөн ширхэг хийн түлшээр ажилладаг уурын зуухыг ашиглалтад оруулсан.
Монгол Улс дэлхийн нийт хүлэмжийн хийн ялгарлын 0.1%-ийг үйлдвэрлэдэг боловч үүнээс үүдэлтэй дулаарал манай улсад дэлхийн дунджаас 2.5 дахин эрчимтэй явагдаж, уур амьсгалын өөрчлөлтөд хамгийн ихээр өртөж байгаа эрсдэлт орнуудын тоонд багтдаг.
Монгол Улс хүлэмжийн хийн ялгарлыг 2030 он гэхэд 22 хувь хүртэл бууруулах зорилтод бодитой хувь нэмрээ оруулсан.
Засгийн газраас гаргасан тогтоолуудын хэрэгжилтийг хангах, мөн нийгмийн хариуцлагын хүрээнд, хэдийгээр ашиглалтын зардал өндөр боловч байгаль орчинд сөрөг нөлөөгүй, найдвартай, аюулгүй зэрэг хүчин зүйлүүдийг харгалзан үзэж үнэ өртөг өндөртэй ч гэсэн ШНХ (шингэрүүлсэн нефтийн хий)-н түлшээр ажилладаг Япон, Солонгос зуухнууд сонгосон.
Энэ зуухны газар нь М-Си-Эс Кока-Кола ус ундааны үйлдвэртэй дүйхүйц ижил хүчин чадал, овор хэмжээтэй үйлдвэрүүдийн өөрийн хэрэгцээний зуухны газруудыг шинэчлэхэд жишиг болж байгаа гэдгээр Монгол улсад болон хүнсний үйлдвэрийн салбарт анхдагч Уурын зуухны газар болсон юм.
Нүүрсэн түлштэй зуухтай харьцуулахад яндангаас гарч буй утаанд агуулагддаг нарийн ширхэглэлт тоосонцор болон хүхрийн исэл, нүүрсхүчлийн хийн давхар исэл зэрэг хорт бодисууд байдаггүй тул “Emission free” гэж хэлж болно.
Сонгосон зуух болон тоног төхөөрөмжүүд нь сүүлийн үеийн шинжлэх ухааны ололт, технологийг ашигласан, аюулгүй бүрэн автомат удирдлагатай юм.
Монгол Улсын Ерөнхийлөгчийн санаачилгаар зохион байгуулж буй “Цэнхэр Алт” усны салбарын үндэсний чуулганд “М-Си-Эс Кока-Кола” компани оролцож, олон нийтэд Усны үр ашиггүй хэрэглээг бууруулах хөтөлбөрийн талаар мэдээлэл өглөө.
Бид тус хөтөлбөрийг хэрэгжүүлснээр усны зарцуулалтыг 29 хувиар бууруулаад байна.
Нэг литр бүтээгдэхүүн үйлдвэрлэхэд хоёр литр ус зарцуулж буй нь:
Бид усны зарцуулалтыг цаашид ч бууруулах бөгөөд 2025 онд 1.7 литр болгохоор зорин ажиллаж байна. Үүнээс гадна 2010 оноос хойш үйлдвэрийн процессод ашигласан бүхий л усаа цэвэршүүлж буй юм. Хоногт 2000 тн хаягдал усыг цэвэршүүлэх хүчин чадалтай уг үйлдвэрийн усанд загас хүртэл амьдрах боломжтой ба цэвэршүүлсэн усаа Нийслэлийн хот тохижилтын газар, Эвт чулуу ХХК, Бат-Өндөр Хайрхан ХХК зэрэг байгууллагууд зам талбайн цэвэрлэгээ, ногоон байгууламжийн цэвэрлэгээнд үнэ төлбөргүй нийлүүлж байна.
Тогтвортой хөгжлийн зорилтын хүрээнд 2030 он гэхэд “М-Си-Эс Кока-Кола” компани ус дахин ашиглалтын хэмжээг 100 хувьд хүргэхээр зорьж байна.